FIFA dënoi me gjobë Xhakën dhe Shaqirin, ja reagimi i Edi Ramës…
Kryeministri Edi Rama ka reaguar përmes një postimi në rrjet lidhur me vendimin e marrë një ditë më parë nga FIFA që dënoi me gjobë futbollistët shqiptar të kombëtares zvicerane, Granit Xhaka dhe Xherdan Shaqiri, të cilët festuan duke bërë shqiponjën, për golat e shënuar ndaj Serbisë.
“Mos kini frikë nga shqiponja është emri i llogarisë bankare ku gjithkush mund të japë një kontribut simbolik, për të paguar gjobën absurde të FIFA-s ndaj Granit Xhakës dhe Xherdan Shaqirit.
Shenja e duarve shqiponjë është shenja jonë dalluese e komunikimit në raste gëzimi dhe me keqardhje për ata që e keqinterpretuan shenjën e gëzimit krejt spontan nga një moment i bukur sportiv, në Raiffeisen Bank është hapur llogaria mos kini frikë nga shqiponja.
Kjo llogari u hap falë nxitjes së shumë miqve të këtij rrjeti social nga e gjithë bota, si falenderim e mirënjohje për dy sportistët që ngritën peshë në një gëzim sportiv miliona shqiptarë”, shkruan Rama në rrjetin social.
