Fillimi i stuhisë, Pipero: Nëse shqiptarët i zbatojnë rregullat…

Java e tretë dhe e katërt është periudha ku koronavirusi shpërthen më së shumti, ka sqaruar mjeku i njohur Prof.Dr.Pëllumb Pipero, dhe bazuar në të dhënat e kolegëve nëpër botë quhet fillimi i stuhisë, e java e dytë e prillit, sipas tij, mund të sjellë lehtësime të masave.

“Unë kam një grafik të zhvillimit të sëmundjes. Në fillim të javës së tretë rritet numri i të prekurve. Kolegët nëpër botë, e quajnë fillimi i stuhisë. Në rast se shqiptarët i kanë zbatuar rregullat, numri i të prekurve është i ulët. Në këtë situatë është mjaft e vështirë ta parashikosh. Fundi i marsi dhe java e prillit do të fillojë të thyhet epidemia. Unë besoj fort,” tha Dr.Pipero në një intervistë për TCH duke dhënë dhe një parashikim për zbutjen e masave:

“Unë besoj se në javën e dytë të prillit masat do të zbuten. Kjo bazohet mbi studimet e epidemive të mëparshme. Ky është një virus respirator dhe nuk besoj se do t’i shmanget këtyre parashikimeve. Situata është shumë serioze por jo e rëndë.”