Çmendet Presidenti, Qeveria kufizon lëvizjen, Thaçi: Mos respektoni vendimin!
Qeveria e Kosovës ka miratuar masat e reja që do hyn në fuqi nga nesër për parandalimin e përhapjes së koronavirusit por menjëherë ka reaguar Presidenti Hashim Thaçi duke vazhduar luftën politike ndërsa i ka bërë thirrje policisë dhe organeve tjera të mos e zbatojnë vendimin sepse bëhen pjesë e shkeljes së Kushtetutës.
Masat e Qeverisë parashikojnë ndalimin e qarkullimit të njerëzve dhe automjeteve. Ndalimi i qarkullimit të qytetarëve dhe automjeteve pritet të ndahet në dy kohë të ndryshme.
Nga ora 10:00 e mëngjesit deri në ora 16:00 pasdite dhe prej orës 20:00 në mbrëmje deri në ora 06:00 në mëngjes.
Por, edhe masa të tjera.
Ndërkohë Presidenti i Kosovës, Hashim Thaçi, tha se Qeveria nuk mund të mohojë lirinë e lëvizjes së qytetarëve. Sipas tij, asnjë institucion nuk ka të drejtë të shkelë Kushtetutën, ndërsa qeveria e Kosovës sot shkeli një mori të pikave të saj.
“Ndalimi i lëvizjeve dhe kufizimi mund të bëhen vetëm me gjendje të jashtëzakonshme dhe këtë mund ta shpallë vetëm Kuvendi,” tha Thaçi duke i kërkuar policisë dhe organeve tjera të mos e zbatojnë vendimin sepse bëhen pjesë e shkeljes së Kushtetutës.
Kështu, deri sa krerët e shteteve bëjnë testet për koronavirus, Presidenti i Kosovës, Hashim Thaçi, siç duket ka nevojë për test psikiatrik.
Ndryshe, nga të dhënat e fundit e Institutit të Shëndetit Publik janë shënuar edhe 26 raste të reja duke e çuar në 61 numrin e të prekurve me koronavirus.
