Finalja e vogël, publikohen formacionet e Belgjikës dhe Anglisë

Belgjika dhe Anglia do të diskutojnë mes tyre vendin e 3 dhe të 4-të në Kupën e Botës “Rusia 2018”. Të dy ekipet përballen sot në orën 16:00 në atë që njihet ndryshe si finalja e vogël.

Pritshmëritë e dy skuadrave ishin të mëdha përpara se të eleminoheshin në gjysëmfinale nga Franca dhe Kroacia, dy ekipet finaliste që përballen nesër në orën 17:00 për të përcaktuar fituesin e Botërorit.

Në përballjen e sotme, trajnerët kanë vendosur që të bëjnë disa ndryshime të vogla. Sërisht në formacion për belgët mungon Adnan Januzaj, i cili shënoi në përballjen e grupeve ndaj Anglisë, golin që i dha vendin e parë në grup Belgjikës.