Foto/ Babai mbanë dorën e vajzës së vdekur nën rrënoja

Ndërsa numri i viktimave nga tërmeti shkatërrimtar në Turqi sa shkon e rritet, ekipet e kërkim-shpëtimit po luftojnë me kohën në mënyrë që të shpëtojnë sa më shumë njerëz që kanë mbetur nën rrënoja dhe po vdesin edhe nga i ftohti, uria dhe plagët që kanë marrë.

Njëra ndër fotografitë më prekëse që përshkruan këtë realitet të trishtë të ditës sotme është ajo nga qyteti i shkatërruar i Kahramanmarasit.

Mesut Hancer mbanë dorën e vajzës 15 vjeçare. Ajo është e vdekur, e shtrirë në krevat nën rrënoja. Nuk është e mundur ta nxjerrin.

Aktualisht janë mbi 5.100 të vdekur dhe dhjetëra mijëra të plagosur nga tërmeti shkatërrimtar që goditi dje Turqinë dhe numri i tyre po rritet çdo minut!

Një lajm i mirë vjen nga BE ku tashmë janë 27 ekipe të kërkim-shpëtimit të mobilizuara për të kërkuar të mbijetuarit në Turqi.

“Solidariteti i BE-së është në nivelin më të mirë,” tha Komisioneri evropian për Kriza, Janez Lenarçiç duke bërë të ditur se njësitet janë nga 19 shtete evropiane, përfshirë dhe dy shtete joanëtare, Shqipërinë dhe Malin e Zi, me gjithsej 1.150 shpëtimtarë dhe 70 qenë; Dislokimi i tyre është i koordinuar në bazë të Mekanizmit për Mbrojtje Civile të BE-së.