FOTO/ Rama debat me ndjekësit për administratën: Denonconi, detyra ime…

Kryeministri Edi Rama ka debatuar në rrjet me ndjekësit e tij lidhur me administratën, ndërsa ka kërkuar ndihmën e qytetarëve për të denoncuar çdo rast dhe problematikë përmes portalit “Shqipëriaqëduam.a”.

Këtë portal, Rama e cilëson “një mekanizëm bashkëveprimi mes qeverisë dhe njerëzve të zakonshëm për të kapërcyer pengesat administrative në zgjidhjen e halleve individuale e të problemeve të komunitetit, si edhe luftuar kështu së bashku, vonesat e pajustifikuara dhe kulturën e vjetër të rryshfetit në zyrat e shërbimeve për qytetarët”.

Por duket se shumë ndjekës të Ramës në rrjet nuk besojnë në atë që propogandohet, çka duket se ka detyruar Kryeministrin që më shumë se për çdo çështje t’i kthejë përgjigje qytetarëve një nga një.

Të paktën për një çështje duket se Rama apo stafi i tij nuk përton nëse ngacmohet dhe kjo është portali për të denoncuar administratën.