FOTO/ Sekuestrohen 500 kg marjuanë, ishte nisur nga brigjet shqiptare…

Një tjetër sasi droge e nisur nga brigjet shqiptare është kapur nga policia italiane. Mediat italiane raportojnë se policia bllokoi rreth 500 kg marjuanë, duke arrestuar 4 persona, mes të cilëve edhe 1 shqiptar. Raportohet se droga, nëse do të hidhej në treg, siguronte një fitim prej 600 mijë euro.

Marijuana u gjet në një barkë peshkimi në Frigole, në zonën e Leccese. Të arrestuarit janë të moshës 29 deri 40 vjeç, ndërsa shtetasi shqiptar 32 vjeç.

Gomonia e cila transportohej me pick up shoqërohej nga një makinë tip “Fiat multipla” në të cilën udhëtonin shqiptari me precedent penal për trafik klandestinësh dhe dy italianët, të njohur nga policia italiane.

Për ti shpëtuar kontrollit të forcave të rendit të arrestuarit kishin ngarkuar në bordin e gomones instrumente peshkimi duke transportuar mjetin lundrues e lëndën narkotike në mes të ditës dhe duke u përfshirë me masën e gjerë të pushuesve që këtë ëeekend populluan plazhet e Puglias.

Gomonia me drogë kishte mbërritur në Puglia nga Shqipëria vetëm pak orë më parë.