Fotoja më e bukur e festës kroate: Pogba me përulje përshëndetë Daliçin

Njëra ndër skenat më të bukura të finales së Kupës së Botës në Rusi, pas fitores së Francës ndaj Kroacisë 4:2, është parë në fushën e stadiumit moskovit Lužnjiki.

Paul Pogba, nuk ishte ndër më të mirët vetëm në fushë por edhe në raport me mediat. Pogba nuk është më ai çuni 23 vjeçar që e njohim kur u bë lojtari më i shitur në botë me 105 milionë euro që i dha Manchester United.

Sot ai nuk zihet me arbitra, nuk ankohet, nuk acarohet me kundërshtarin.

Para finales së Kupës së Botës foli fjalët më të mira për kundërshtarin, Kroacinë. Kështu vazhdoi edhe pas përfundimit të ndeshjes, shkoi tek trajneri Zlatko Daliç, i shtrëngoi dorën dhe me përulje e përshëndeti duke i vënë grushtin në ballin e tij.