Fraksioni i PS në PD, zbatimi i vendimeve të Asamblesë fillon nga Kukësi
Ndërsa vazhdoi me baltosjen e Gazment Bardhit dhe grupit të deputetëve që morën pjesë në takimin e e 43 deputetëve duke përfshirë dhe Sali Berishën non grata, dhe pas vendimit të KAS për t’i transferuar postin që i dhuroi për zgjedhjet e 14 majit, Nënkryetarit Kryetar të PD, Enkelejd Alibeaj tek Lulzim Basha, sot Asambleja e Partisë Socialiste vazhdoi punimet me fraksionin e saj në PD, me zotimin për fitoren e kandidatit socialist për zgjedhjet e jashtëzakonshme të 24 shtatorit, prefektit aktual Albert Halili!
Përkundër përpjekjeve të demokratëve të Kukësit për t’u përbashkuar rreth një kandidati për të ngadhnjyer ndaj Partisë Socialiste, kryetari i sapozgjedhur i PD të cilin nuk e njohu asnë organizëm ndërkombëtar deri më sot, Lulzim Basha, ashtu si në rastin e traut të Shefqet Kastratit në Rrugën e Kombit, nuk e përfilli mendimin e tyre dhe sot u bëri të qartë nga tubimi i fraksionit të PS në PD që e pagëzoi Këshill Kombëtar, se ata do të përsëritin skenarin e 14 Majit, nuk do të marrin pjesë në zgjedhje, dhe natyrisht si me doktor Sinematin, do ta luftojnë deri në frymën e fundit, kandidatin e Partisë Demokratike të dalë nga primaret, Emri Vata!
Në llomotitjen e tij para këtij fraksioni të Partisë Socialiste në PD, Lulzim Basha foli kundër arrogancës, hiles dhe përfitimeve personale ndonëse janë cilësitë e vetme që e karakterizojnë këtë llum politik që e nxori politika kriminale e Edi Ramës, por nuk ndaloi me kaq!
Para këtij fraksioni socialist foli për domosdoshmërinë e një partie konkurruese dhe alternativë qeverisëse, që ç’është e vërteta i ka ky fraksion që nga themelimi, dhe sot kur rreth vetes i kanë mbetur 9 deputetë, ai flet edhe për angazhimin “bashkëkohor”, ndonëse bota nuk njehë tradhëtar politik të këtij kalibri!
Këtë e dëshmoi sapo mbaroi fjalën e pistë që nuk u kundërshtua nga asnjëri që kishte përballë edhe pse nuk ishte në gjendje ta caktoi dhe 1 kandidatë për zgjedhjet e 24 shtatorit në Kukës, u tha atyre që nuk arriti t’ju ofroj 61 kandidatë për zgjedhjet e 14 Majit, se do të kenë marsin e vitit të ardhshëm, 140 kandidatë për deputetë!
Kur në fjalën e tij tha se “për të ndërtuar të ardhmen para së gjithash ne duhet të rindërtojmë partinë tonë, duke mbyllur një cikël të stërzgjatur intrigash, përplasjesh, bërrylash dhe keqkuptimesh”, të gjithë demokratët shqiptarë menduan se Lulzim Basha po jep dorëheqje! Por, jo, ai dënoi Sekretarin e Përgjithshëm, Gazment Bardhi, duke e zëvendësuar me Enkelejd Alibeajn pa e ditur nëse ai e kishte thirrë në takim Sali Berishën, apo ata që i kishin thënë Bashës “largoje”, e urdhëruan Bardhin t’i bënë thirrje sepse nuk duan të kenë punë me Zotni Lafshën, që me dhunë dhe Kunat, rreth vetes mezi ka 9 deputetë dhe as 40 mijë vota.
Për të dëshmuar se sa arrogant që është, hileqar dhe mendon vetëm për përfitime personale, tregoi dhe përzgjedhja që bëri për kryetar të këtij mexhlisi që e pagëzoi, Këshill Kombëtar, Xhemal Bushatin!
Njeriu që i shkaktoi humbjen kandidatit të Partisë Demokratike në Shkodër, Bardh Spahia, Lulzim Basha e shpërbleu me këtë post. Ai ishte ky urdhër i Edi Ramës apo Sigurimit të Shtetit mbetet për tu parë, meqë të dy këta shërbëtorë mund të kenë shkaktuar dhe përplasje institucionale duke pasur parasysh të kaluarën e tyre!
S’kemi parë gjë akoma thotë shefi i këtij fraksioni në PD, Edi Rama, por, Sigurimi i Shtetit nuk i lejon këtë luks as Llullit dhe as shokut Xhemal, që qeni mos ta njehë të zotin!
Kjo ishte dhe arsyeja pse Sigurimi nuk u mallëngjye as nga fjala e Lulzim bashës ku e përmendi aq shumë Zotin, kur ishte e qartë se ishte shkruar nga një xhematli i Erion Velisë!
