Fshehu pjesëmarrjen, Berisha: Edi Rama shkoi në samitin e Soros, me qëndrime të qarta anti-amerikane

Edi Rama shkoi në samitin e ekstremistit të majtë Aleks Soros, ku u mbajtën qëndrime të qarta anti-amerikane, tha Kryetari i Partisë Demokratike, Sali Berisha, duke e  akuzuar Kryeministrin e Shqipërisë për mungesë transparence dhe mashtrim të publikut lidhur me vizitën e fundit në Spanjë.

Kryetari i Partisë Demokratike tha sot se Edi Rama ka fshehur pjesëmarrjen si klandestin në një samit ndërkombëtar për demokracinë në Barcelonë, duke e paraqitur vizitën si takim zyrtar me homologun spanjoll Pedro Sánchez.

“Si mund të quhet, çfarë emri mund t’i vihet një kryeministri, i cili fluturon disa mijëra kilometra nga vendi i tij për të marrë pjesë në një samit ndërkombëtar të titulluar Samiti Global për Demokracinë në Barcelonë dhe mashtron qytetarët e vet, u thotë se unë isha për një vizitë në Spanjë, tek Pedro Sanchez, dhe nuk thotë një fjalë të vetme, mban sekret për qytetarët e vendit të tij pjesëmarrjen në samitin global ku ishin një numër i caktuar kryetarësh shtetesh apo kryeministra, nga një seri vendesh të Amerikës Latine, të Afrikës dhe pjesë të tjera të globit,” tha Sali Berisha duke shtuar se si mund ta quani këtë një burrec, një langaraq, por mundet edhe një prostitutë amorale politike!

“Së pari, samiti në të cilin u paraqit siç deklaron udhëheqësi i të majtës botërore ekstreme, ishte organizim i tij.

Së dyti, ky samit, e vërteta, ishte me një mantra anti-amerikane, por nuk ishte pro-europian.

E fundit, si mund të fshehësh pjesëmarrjen në një samit të tillë?” tha Kryetari i Partisë Demokratike, Sali Berisha, duke dënuar me forcë një qëndrim të tillë poshtërues për një kryeministër ndërsa përfundoi:

“Por unë nuk merakosem se vetëposhtërohet ai, por problemi është se ai është përfaqësim. Nuk ka ndodhur kurrë, nuk mund të ndodhë, të shkojë kryeministri në një samit dhe ta fshehë. Sigurisht një takim klandestin, ndërkohë që atë e jepnin mediat e të gjithë botës. Më së paku, se nuk dua ta prish gojën me fjalët e tij, langaraq!”

Fjala e plotë:

Të nderuar gazetare dhe gazetarë, të nderuar qytetare dhe qytetarë, këtë konferencë para jush ju kërkoj ndjesë, por do ta filloj duke shtruar një pyetje për të gjithë ju.

Si mund të quhet, çfarë emri mund t’i vihet një kryeministri, i cili fluturon disa mijëra kilometra nga vendi i tij për të marrë pjesë në një samit ndërkombëtar të titulluar Samiti Global për Demokracinë në Barcelonë dhe mashtron qytetarët e vet, u thotë se unë isha për një vizitë në Spanjë, tek Pedro Sanchez, dhe nuk thotë një fjalë të vetme, mban sekret për qytetarët e vendit të tij pjesëmarrjen në samitin global ku ishin një numër i caktuar kryetarësh shtetesh apo kryeministra, nga një seri vendesh të Amerikës Latine, të Afrikës dhe pjesë të tjera të globit.

Pra, edhe njëherë, kur një kryeministër shkon në një vend, merr pjesë në një samit sikur të ishte klandestin, në një kohë kur ajo ishte ngjarje publike ndërkombëtare, e ftuar nga kryeministri spanjoll, me një numër të konsiderueshëm kryeministrash dhe kryetarë shtetesh.

Çfarë emri mund t’i vini ju një kryeministri të tillë që fsheh pjesëmarrjen e tij në një samit ndërkombëtar dhe e shet se ishte për një vizitë zyrtare në Spanjë?

A mund ta quani këtë një burrec, një langaraq, por mundet edhe një prostitutë amorale politike?

Pse kjo?

Së pari, samiti në të cilin u paraqit siç deklaron udhëheqësi i të majtës botërore ekstreme, ishte organizim i tij.

Lexoni postimet që ka bërë dhe kënaqësinë që shpreh.

Së dyti, ky samit, e vërteta, ishte me një mantra anti-amerikane, por nuk ishte pro-europian.

Jo, nuk ishte një samit pro-europian.

E fundit, si mund të fshehësh pjesëmarrjen në një samit të tillë?

Cilat janë arsyet që e fsheh? Burracak, langaraq janë të pakta, por edhe prostitutë politikë.

Por edhe e tillë, nuk e fsheh, ti shkove.

More pjesë.

Je në panel.

Je në foto.

Kujt ia fsheh ti këtë?

Pra, shikoni se çfarë, nuk e di cilën fjalë t’i them, nuk përdor fjalët e tij, me të cilat ka lindur në gojë, nuk ia lejoj vetes, por i them të paktën langaraq.

Ti shkove, njofto se isha në samitin global për demokracinë, të organizuar nga ekstremisti i majtë, Aleks Soros.

Mirëpo, këto lëvizje midis ekstremeve të këtij njeriu pa karakter, delinkuent, i kapur nga ligji shqiptar dhe ndërkombëtar, bëjnë qesharake Shqipërinë dhe shqiptarët.

Çfarë tregon me këtë?

Ky tregon me këtë se nuk ka interesa kombëtare.

Shkove, pranove dhe u anëtarësove në Bordin e Paqes dhe për këtë shqiptarët meritojnë shpjegimin që vijon, ne e kemi miratuar këtë plotësisht, sepse po të jetë çështja për çështje të sigurisë kombëtare, në absolutisht pa asnjë mëdyshje jemi në anën e SHBA. Të mos ketë iluzion këtu.

Dakord.

Po tani ç’të shtyu të shkosh tek ata që kanë qëndrime të kristalta antiamerikane.

Dhe ata, ato qëndrime i kanë për interesa të vendeve të tyre, siç gjykojnë ata.

Ku i ke interesat ti? Ti nuk ke interesa për vendin, ke interesa vetëm personale.

Ti çdo lëvizje e bën për të shpëtuar kokën tënde.

Kjo është fyerje, ky është përçmim.

Ky është turp!

Po pse do publikojë Aleksis Soros fotot e samitit me Edi Ramën dhe do i censurojë Edi Rama?

Çfarë tregon kjo?

A nuk tregon kjo për një njeri pa karakter, frikacak.

Është turp.

Njeri pa dinjitet.

Në qoftë se e takon, publiko foton, çfarë ke?

Do thoni ju çfarë? Jo, ka rëndësi shumë të madhe, se ai nuk e ka udhëtim privat atë.

Ai e ka udhëtim përfaqësim të shtetit shqiptar.

Dhe në atë samit ishin të pranishëm një seri kryetarë shtetesh, kryeministrash me qëndrime të hapura antiamerikane.

Çfarë e shtyn, çfarë interesi ka Shqipëria aty?

Asnjë interes.

Janë vetëm interesat personale të Edi Ramës.

Dhe ky është keqpërdorimi absolut, është shpërdorimi absolut i postit dhe detyrës.

U përpoq ta maskojë me çdo kusht.

U përpoq të mashtrojë shqiptarët me çdo kusht.

Ju e patë vetë.

Dënoj me forcë një qëndrim të tillë poshtërues për një kryeministër.

Por unë nuk merakosem se vetëposhtërohet ai, por problemi është se ai është përfaqësim.

Nuk ka ndodhur kurrë, nuk mund të ndodhë, të shkojë kryeministri në një samit dhe ta fshehë.

Sigurisht një takim klandestin, ndërkohë që atë e jepnin mediat e të gjithë botës.

Më së paku, se nuk dua ta prish gojën me fjalët e tij, langaraq!