Ftesë qytetarëve, Berisha: T’ia shkurtojmë jetën një parlamenti që nuk meriton të ekzistojë!
Pas leximit të dëshirave të Kryeministrit Edi Rama nga ana e Kryetares së Parlamentit të Shqipërisë, Lindita Nikolla që në fillim të sesionit të ri parlamentar, reagoi Kryetari i Partisë Demokratike, Sali Berisha, duke e cilësuar kët parlament si shpellën më të madhe të mafies në botë edhe Europë.
Duke vlerësuar se ky parlament është i bazuar i tëri mbi krimin, mbi drogën dhe vjedhjen e shqiptarëve, me një shumicë parlamentare që ka vjedhur votën e shqiptarëve dhe nuk meritoni asnjë ditë të vetme të jetë në këtë sallë, ai ftoi shqiptarët:
“Parlamenti nuk shpreh më interesat e shqiptarëve, ndaj dhe unë ju ftoj të dashur qytetarë t’ia shkurtojmë jetën, ditët një parlamenti që nuk meriton të ekzistojë. Një parlamenti anti-kombëtar që refuzon të dënojë gjenocidin serb mbi shqiptarët, një parlamenti që ka miratuar ligje dhe rregulla që ndihmojnë Serbinë e madhe të Ballkanit të Hapur. Një parlamenti që vetëm shqiptar nuk mund të quhet.”
Ndryshe, sesioni i ri parlamentar filloi me vendimin e ri të Edi Ramës pasi caktoi kryetarin e PD-së tij, dhe mbajti Kuvendin, Kryetarin e ri të Grupit Parlamentar, Lulzim Edvin Basha!
Fjala e plotë:
Të dashur qytetare edhe qytetarë që ndiqni hapjen e këtij sesioni parlamentar.
Zonja deputete, zotërinj deputetë ju ftoj për një moment të përfytyroni shpellën më të madhe të mafies që imagjinata juaj mund të përfytyrojë. Drejtoni sytë këtu në këtë krah, dhe kjo është më e madhja në botë edhe Europë.
Ky parlament është i bazuar i tëri mbi krimin, mbi drogën dhe vjedhjen e shqiptarëve. SKY ECC, EncroChat dëshmojnë se lidhjet tuaja me bandat dhe krimin shkojnë në Meksikë, në Ekuador, në Bolivi. Dëshmojnë se ju keni dhunuar në mënyrën më flagrante, keni vjedhur votën e shqiptarëve dhe nuk meritoni asnjë ditë të vetme të jeni në këtë sallë.
Dëshmoj se shumica juaj duhet të jenë te Balili dhe tek Balilat tuaj, së pari.
Së dyti, ky parlament është turpi i historisë. Për herë të parë një parlament voton për dyfishimin e rrogave të deputetëve, në një kohë kur lenë në mjerim, në gomone, në varfëri eksreme qytetarët, sepse kur psikologjinë, kur ndërgjegjen, kur logjikën ta infiltron krimi ke humbur çdolloj mundësie për të arsyetuar.
Së treti, kur po lexoje atë fjalim më kujtove Vitori Çurin, por absolutisht ajo ka qenë edhe më modeste se sa ti.
Po si mund të dalësh këtu para të lexosh një raport të atillë? Fund e krye mashtrime dhe vetëm mashtrime.
Parlamenti nuk shpreh më interesat e shqiptarëve, ndaj dhe unë ju ftoj të dashur qytetarë t’ia shkurtojmë jetën, ditët një parlamenti që nuk meriton të ekzistojë. Një parlamenti anti-kombëtar që refuzon të dënojë gjenocidin serb mbi shqiptarët, një parlamenti që ka miratuar ligje dhe rregulla që ndihmojnë Serbinë e madhe të Ballkanit të Hapur. Një parlamenti që vetëm shqiptar nuk mund të quhet.
Faleminderit!
