PD e Edi Ramës vendosi, Nikolla: Kreu i Grupit Parlamentar të PD është Lulzim Basha!

Sesioni i ri parlamentar sot filloi me të qeshura pasi filloi me jetësimin e vendimit të Kuvendit të Partisë Demokratike të Edi Ramës më 2 shtator, ku kryetari Lulzim Basha do jetë dhe kryetar i Grupit Parlamentar.

Njoftimin për këtë maskaradë parlamentare e bëri Kryetarja e Parlamentit, Lindita Nikolla:

“Ju njoftoj se ka ardhur një njoftim në orën 9 nga Partia Demokratike, e cila më njofton se bazuar në nenin 9 të rregullores së rregullores së grupit parlamentar të PD, bazuar në vendimin e kryesisë së PD më 2 shtator, më vënë në dijeni se kreu i grupit parlamentar të PD është zoti Basha,” tha Lindita Nikolla që shkaktoi të qeshura ndër të gjithë deputetët ndërsa Gazment Bardhi i ulur pranë asqerit të Edi Ramës, Lulzim Basha:

“Mund të talleni me qytetarët, mund të talleni edhe me opozitën për shkak të konfliktit që kemi pasur këto dy vite, por ta harroni se do vijë dita se Kryetarin e Grupit Parlamentar të Partisë Demokratike do ta zgjedhë Partia Socialiste!”

reagoi nga vendi pa e kërkuar fjalën ndërsa Kryetari i Këshillit Kombëtar të PD, Edi Paloka, kërkoi një sqarim nga Kryetarja e Parlamentit që zbaton edhe këtë lloj “vendimi”.

“Sot dua t’ju vë para një situate të tillë se po shoh se nuk po e kuptoni. Nëse nesër unë mbledh 2 mijë vet në një sallë dhe e quaj Kuvend të PS dhe zgjidhem kryetar, sekretar e të tjera me ‘ar’ prapa, dhe u them se jam kreu i grupit të PS, çfarë do bënit ju? Kuptoje kështu dhe mos u bëni qesharake si ata. Vjen dikush që u thotë se jam zgjedhur kryetar i PS dhe ju e pranoni,” u shpreh Edi Paloka por Lindita Nikolla meqë nuk kishte përgjigje me celular tha se këtë çështje do t’ia kalojë zyrës juridike të Kuvendit.

Ndryshe, sipas statutit të ri të PD-së së Edi Ramës, Kryetari Lulzim Basha do jetë dhe kreu i Grupit Parlamentar.