Fundjavë shqiptare, mbi 50 mijë kosovarë drejt Shqipërisë

Më shumë se 50 mijë qytetarë të Kosovës këtë fundjavë u nisën drejt Shqipërisë ndërkohë në javën e parë të muajit Gusht në Aeroportin Ndërkombëtar të Prishtinës “Adem Jashari” janë realizuar 661 fluturime me 104.256 pasagjerë.

Sot e diela ka nisur me një fluks të lartë makinash në Morinë. Policisë kufitare iu desh që të punonte me kapacitete shtesë e procedurë të përshpejtuar.

Por radhët e gjata të automjeteve, si pasojë e fluksit të lartë nuk krijohen vetëm në Morinë.

Një tjetër segment problematik i Rrugës së Kombit tek Ura e Drinit në hyrje të Kukësit. Radhë dhe vonesa krijohen edhe si pasojë e ngushtimit të rrugës me një sens lëvizje. Policia rrugore e stacionuar pranë këtij segmenti po menaxhon trafikun për përpjekje për të lehtësuar qarkullimin.

Ndërkohë edhe Aeroporti Ndërkombëtar i Prishtinës “Adem Jashari” u karakterizua nga fluks të madh pasagjerësh. Në muajin Korrik 2021 kishte 340.446 pasagjerë që është numër rekord krahasar me vitin 2019 me 280.013 pasagjerë, dhe Korrikun e vitit pandemik 2020 me vetëm 88.607 pasagjerë.

Sa i përket muajit Gusht pritet njërekord i ri, pasi vetëm në javën e parë janë realizuar 661 fluturime me 104.256 pasagjerë.