Garë e ngushtë midis dy partive rivale në Bullgari

Rezultatet paraprake të zgjedhjeve parlamentare në Bullgari tregojnë një garë të ngushtë midis koalicionit GERB, të udhëhequr nga ish-kryeministri Boyko Borisov, dhe partisë “Ka një popull të tillë”.

Me mbi 95 për qind të votave të numëruara nga zgjedhjet e së dielës, raporton RFE, grupi GERB ka 23.91 për qind të tyre.

Partia “Ka një popull të tillë”, me në krye prezantuesin televiziv, Slavi Trifonov, ka 23.66 për qind.

Shumë agjenci të sondazheve parashikojnë se partia “Ka një popull të tillë” mund të dalë ende në epërsi ndaj GERB-it.

Disa akuza të reja për keqpërdorim të fondeve qeveritare nga administratat e udhëhequra nga GERB, e kanë ulur mbështetjen për këtë parti në prag të zgjedhjeve.

Ndryshe, rreth 6.7 milionë qytetarë me të drejtë vote kishin mundësi të zgjedhin zërish 240 deputet të rinj të Parlamenti të Bullgari pasi zgjedhjet e muajit prill nuk prodhuan një rezultat për tu finalizuar me një qeveri të re.

Bullgaria është vendi më i varfër i Bashkimit Evropian dhe perceptohet si një nga më të korruptuarit.