Gjendet trupi i pajetë i një mashkulli, dyshohet se i përket…

Trupi i pajetë i një mashkulli është është gjetur i groposur në Nikël të Fushë-Krujës. Pritet që ekspertiza mjekoligjore të verifikojë identitetin e viktimës, që dyshohet se është vrarë.

Megjithatë referuar burimeve policore,  dyshimet janë që viktima është shtetasi E. H.

Policia e Kurbinit njoftoi disa ditë më parë se ka nisur hetimet pas denoncimit të bërë nga babai i një 34-vjecari nga Laci, për zhdukjen e djalit të tij.

“Pranë Komisariatit të Policisë Kurbin ka bërë kallëzim shtetasi S.H., 63 vjeç, banues në Laç, ku pretendon se kanë humbur kontaktet me djalin, shtetasin K.(E).H., 34 vjeç, banues në Laç, që në datën 05.07.2018”,  njoftonte policia, Sipas saj,  ky person ka qenë i shpallur në kërkim pasi gjykata ka “caktuar masën e sigurisë “Arrest me burg” për veprat penale “Vrasja me paramendim e kryer në bashkëpunim” dhe “Armëmbajtja pa leje”.