Gjermani, arrestohet Arbër Çekaj i 613 kg kokainë. Paralajmërimi i Ambasadorit Lu

Në kuadër të bashkëpunimit  me agjensitë e huaja ligjzbatuese dhe konkretisht atë gjermane, është bërë i mundur lokalizimi dhe arrestimi i shtetasit, Arbër Çekaj. Ai u kap në një provincë afër Dyseldorfit.

Arbër Çekaj është pronari i kompanisë “Arbi Garden” ku u sekuestruan 613 kg kokaine në kuadër të operacionit “Last snoë”.

U shkëmbye informacion në kohë rekord midis Policisë dhe agjensive të tjera si dhe me Prokurorinë e Krimeve të  Rënda.

Çekaj ishte shpallur në kërkim që prej operacionit policor, por arrestimi i tij është bërë vetëm gjatë natës duke u gdhirë dita e sotme.

Në pranga për këtë drogë deri më tani ishin vetëm shoferi dhe menaxheri i kompanisë, Armando Pezaku dhe Donald Lushaj.

Para se të realizohej ky arrestim, në një fjalim të tij para shoqërisë civile sot, Ambasadori i SHBA në Tiranë, Donald Lu, Çekajn e cilësoi si një “peshk të madh” që duhet kapur sa më parë nga drejtësia shqiptare.