Bushati takon Kotzias: Po zbatojmë çështjet që kemi dakordësuar…
Në Takimin e Tretë Ndërministror të Selanikut mes Greqisë, Shqipërisë, Bullgarisë dhe Maqedonisë, ministri Bushati është takuar edhe me homologun e tij grek Nikos Kotzias.
Mësohet se Bushati dhe Kotzias biseduan për ecurinë e paketës së dakordësuar mes palëve në Kretë dhe Korçë.
Gjithashtu, bëhet e ditur se ata shprehën angazhimin për të vijuar punën me të njëjtin ritëm për zgjidhjen e çështjeve, raporton TCH.
Bushati vlerësoi progresin e arritur në takimin e ekipeve negociatore javën e shkuar sa i përket çështjes së detit.
“Disa çështje për të cilat palët kanë dakordësi finale janë në zbatim tashmë”, tha ministri Bushati.
