Gjermani, mungojnë 400.000 punëtorë në vit. Ja çfarë kërkohet më shumë

Gjermanisë i duhen 400 mijë punëtorë në vit në mënyrë që të mbajë numrin konstant të personave në tregun e punës, ka bërë të ditur sot Instituti për studimin e tregut të punës, IAB.

“Për shkak të ndryshimeve demografike, numri i të punësuarve është në rënie konstante përkundër masave me përfshirjen e sforcuar të grave në tregun e punës dhe shkuarjes më vonë në pension.

Numri i të punësuarve deri në vitin 2035 nga 47 milionë aktual do të bie në 44 milionë,” thuhet në komunikatë.

Në këtë shifër është përfshirë edhe fakti se brenda një viti në tregun gjerman të punës të përfshihen edhe 100.000 emigrantë. Ekspertët e IAB, që veprojnë në kuadër të Agjencisë Federale të Punësimit, duke folur për të paktën 400 mijë emigrantë, sa është e nevojshme që të mbahet numri i të punësuarve në tregun e punës.   

Studimi flet për “neto të ardhurit”, pra numri i cili është marrë parasysh edhe numri i të punësuarve që emigrojnë nga Gjermania.

Në komunikatë flitet edhe për vendet klasike me emigracion brenda Bashkimit Evropian, ku ndikon faktori demografik. Gjithashtu theksohet se as rrogat në vendet e origjinës nuk janë ndjeshëm më të ulëta se në Gjermani, dhe kjo e vështirëson emigracionin në Gjermani.

“Nëse emigracioni ngelet në të njëjtin nivel si para pandemisë, kjo nuk do të mjafton për mbijetesën e numrit konstant në tregun gjerman të punës,” tha  njëri nga autorët e studimit të IAB, Johann Fuchs.

Çfarë lloj punëtori mungon?

Për seriozitetin e situatës, tregon edhe hulumtimi i fundit i opinionit publik e cila me porosinë e kompanisë Bertelsmann është realizuar nga Instituti Civey.

Nga 7.500 të anketuar, 66 për qind prej tyre theksuan se nuk mund të gjejnë mjaftueshëm punëtorë profesionistë. Vitin e kaluar, 55 prej tyre kanë deklaruar se llogarisin probleme në plotësimin e vendeve të punës, raporton DW.

Situata nuk është e ngjashme në të gjitha profesionet, rajonet dhe kualifikimet. Nëse kompanitë që kanë mungesë të fuqisë punëtore pyet se çfarë u mungon saktë, gati çdo e dyta thekson persona me shkollë të mesme profesionale. Me arsim akademik mungojnë në çdo të katërtën kompani.   

Duke pasur parasysh mungesën e fuqisë punëtore më i goditur është kujdesi i të moshuarve dhe të paaftëve si dhe shëndetësia.

“Fakt është: në Gjermani mungon fuqia punëtore,” tha në muajin gusht Presidenti i Këshillit Drejtues të Agjencisë Federale për Punë, Detlef Scheele, duke shtuar.

“Nga kujdesi deri tek mirëmbajtja e kondicionerëve, logjistika dhe të arsimuarit me fakultet. Gjithandej do të mungon fuqia punëtore.”

Gjuha, pengesa më e madhe

Nga 1 Marsi i vitit 2020 në Gjermani është në fuqi ligji i cili duhet të lehtësoj ardhjen e fuqisë punëtore nga vendet që nuk janë anëtare të Bashkimit Evropian. Përkundër kësaj, shumë ndërmarrës ngurrojnë të kërkojnë punëtorë jashtë shtetit. Shkaqet janë të ndryshme. Si shkaktarë kryesor, kompanitë theksojnë vështirësitë në komunikim dhe problemin e vlerësimit të punëtorëve me çertifikatë të huaj.

Përgjigje të ngjashme kishin edhe ato kompani që tashmë kanë punësuar punëtorë të huaj. Kjo tregon se frika nuk është dhe aq e paarsyeshme, si psh. Sa i përket komunikimit me të huajt. Nga ana tjetër, pengesat burokratike në praktikë janë probleme më të vogla se sa që mendohen në shikim të parë. 

Pengesa gjithnjë e më pak

Kompania Bertelsmann vlerëson se përpjekjet politike rreth transferimit të fuqisë punëtore kanë pasur sukses. Për shembull, procedurat e përshpejtuara burokratike, nxitja e mësimit të gjuhës gjermane dhe oferta më e mirë e informacionit për pranimin e kualifikimeve të huaja. Por:

“Pengesa për marrjen e fuqisë punëtore të kualifikuar ende ka, përkundër përparimeve të dukshme,” thekson eksperti për emigrimin nga kompania Bertelsmann, Matthias Mayer.

Rreth 67 për qind të pjesëmarrësve të studimit të Kompanisë ka parasysh që në vitet e ardhshme do të ketë më pak fuqi punëtore se sa që ju duhet.

“Mungesa e fuqisë punëtore është problem gjithnjë e më i madh, e zgjidhja nuk shihet në horizont. Ne si shoqëri duhet të kemi zgjidhje të qëndrueshme në mënyrë që t’ia dalim me ndryshimet demografike dhe transformimet social-ekonomike,” vlerëson Mayer.

Partneritetet transnacionale

Matthias Mayer mendon se vendimtar është zbatimi rigoroz i Ligjit për emigrim të fuqisë punëtore ku përfshihet edhe procedura e thjeshtësuar e pranimit të çertifikatave dhe diplomave të huaja Ai mendon se këtu mund të ndihmoj partneriteti në arsim në mes të Gjermanisë dhe vendeve tjera, që mund të kontribuojnë në mirëkuptimin e ndërsjellë të ndërmarrësve dhe të punësuarve të huaj potencial. Madje 57 për qind të kompanive të anketuara vlerësojnë që do të ishte e dobishme që të firmosen disa marrëveshje transnacionale për ndërmjetësim në punësim dhe arsimim të fuqisë punëtore profesionale.