Gjykata e Tiranës i fshehu vendimin, PD padi Kryetarit dhe Kancelarit
Pas paralajmërimit të Partisë Demokratike për Kryetarin e Gjykatës së Tiranës, Flamur Kapllani dhe Kancelarit Donald Xhelili, meqë nuk i është komunikuar zyrtarisht vendimi i gjyqtares Blerina Muça, PD sot ka paraqitur kallzim penal për shpërdorim detyre.
“Partia Demokratike e Shqiperise ka paraqitur sot kallzim penal ndaj kryetarit dhe kancelarit te gjykates se Tiranes, te cilet ne menyre te qellimshme ende nuk i komunikojne zyrtarisht Partise Demokratike vendimet gjyqesore te cilat cenojne interesa te ligjshem te saj,” thuhet në deklaratën e PD pas kallëzimit penal ndaj Kryetarit dhe Kancelarit të Gjykatës së Tiranës.
Ndryshe, Partia Demokratike i ka kerkuar zyrtarisht Gjykates se Tiranes qe t’i komunikojë vendimin e gjyqtares Blerina Muça e cila pranoi ankimin e deputetit Enkelejd Alibeaj kunder vendimit të Partisë Demokratike, me qëllim që të ushtroj të drejtën ligjore të ankimit.
Prej më shumë se 2 javësh, Gjykata e Tiranës nuk i ka kthyer përgjigje dhe nuk i ka vë në dispozicion Partisë Demokratike vendimin duke u bëre pengesë për ta ankimuar këtë vendim në kundërshtim të plotë me ligjin.
Deklaratë:
Në vijim të qendrimit te bere publik nepermjet deklarates se ditës se diel, dhe ne mungese te reagimit ligjor dhe institucional nga Gjykata e Rrethit Gjyqesor Tirane, Partia Demokratike e Shqiperise ka paraqitur sot kallzim penal ndaj kryetarit dhe kancelarit te gjykates se Tiranes, te cilet ne menyre te qellimshme ende nuk i komunikojne zyrtarisht Partise Demokratike vendimet gjyqesore te cilat cenojne interesa te ligjshem te saj.
Partia Demokratike ben thirrje per organet ligjzbatuese qe te hetojne dhe vene para pergjegjesise ligjore kedo i cili me veprime te paligjshme tenton te ndikoje proceset ligjore ne shqyrtim nga gjykatat, pavaresisht pozicionit qe mban!
