Gjykata Kushtetuese e Malit Zi: Milo Gjukanoviç nuk e shkeli Kushtetutën!

Propozimi i gjyqtarit relator në Gjykatën Kushtetuese se Presidenti Milo Gjukanoviç ka shkelur Kushtetutën me një sugjerim publik që të zhvendoset nga Cetinja shugurimi i Kryepeshkopit të Kishës Ortodokse të Serbisë në Mal të Zi, Joanikije, u hodhë poshtë.

“Gjykata Kushtetuese e Malit të Zi, në përbërje: kryetar Budimir Shçepanoviç dhe gjyqtarët, Milorad Gogiç, Miodrag Iliçkoviç dhe Desanka Lopiçiç, në mbledhjen e 4 shkurtit 2022, në çështjen U-IV br. 1/21, me propozim për inicimin e procedurës nëse President i Malit të Zi ka shkelur Kushtetutën, nuk ka marrë vendim sepse Propozimi i gjyqrarit relator nuk mori shumicën e duhur 1:3,” thuhet në komunikatën e kësaj Gjykate.

Shumica parlamentare ka vlerësuar se shkelje të Kushtetutës janë dy deklaratat e Gjukanoviçit nga 28 gushti i vitit të kaluar në Cetinje, ku sugjeronte që Kisha Ortodokse e Serbisë ta bëjë shugurimin e Kryepeshkopit Joanikije jashtë Cetinjes dhe kur paralajmëroi se ai do të jetë më 5 shtator në Cetinje në ditën kur ishte caktuar shugurimi, së bashku me qytetarët që e kundërshtonin këtë ceremoni.