Gjykata meksikane anulon ndalimin, lufta me dema kthehet në arenën botërore

Në Meksikë sërish do të mbahen luftëra me dema në arenën më të madhe botërore, 600 ditë pasi u ndalua me vendim gjykate.

“Fiesta Brava”, siç quhet në gjuhën spanjolle lufta me dema, do kthehet në Plaza México të kryeqytetit Ciudadu de Mexico nga 28 Janari, pasi në qershorin e vitit 2022 ishte ndaluar me një vendim gjykate, kanë bërë të ditur organizatorët.

Arena për dema, përmes rrjetit social X ka publikuar promovimet për luftërat që priten të zhvillohen më 28 Janar.

Ndryshe, aktivistët për të drejtat e kafshëve arritën që në qershorin e vitit 2022 të ndalojnë përkohësisht me vendim gjykate, luftën me dema në kryeqendrën meksikane. Por, Gjykata e Lartë e anuloi pezullimin.

Kundërshtarët e luftës me dema e dënuan vuajtjen dhe vrasjen e demave që shfrytëzohen në arenë.

Ndryshe, Plaza México ka mbi 41.000 ulëse, derisa arena e njohur botërore për dema në Las Ventas në Madrid, ka më pak se 24.000 ulëse për shikues.