Gjykata rrëzon Ish-Gjeneral Sandër Lleshajn, lirohen protestuesit e Kukësit!

Ish-Gjeneral Sandër Lleshaj nuk njeh Dekretin e Presidentit për anulimin e datës së zgjedhjeve 30 Qershor, i botuar në Fletoren Zyrtare, ashtu si edhe shefi i tij Edi Rama, dhe mbronë KZAZ-të e paligjshme me policë, por qytetarët e Kukësit që protestuan kundër kësaj paligjshmërie, Gjykata i konsideron të pafajshëm.

Sot, Gjykata e Kukësit ka vendosur që qytetarët që protestuan kundër KZAZ-ve të ngritura nga Denar Biba me urdhër të Edi Ramës, ti lënë të lirë.

Për 4 personat e ndaluar nga policia e Ish-Gjeneral Sandër Lleshajt, Gjykata caktoj masën e sigurisë “arrest shtëpie”. Ndryshe, tre prej të arrestuarve që kërkuan lirimin e pronës së pushtuar bashkiake të okupuar me KZAZ të paligjshme, ishin punonjës të Bashkisë së Kukësit, ndërsa i katërti qytetar.