Grabitja e postës sekrete/ Alibeaj: Arta Marku të sqarojë se çfarë dokumentesh janë dhe me kë kanë lidhje
Partia Demokratike ka reaguar përmes deputetit Enkelejd Alibeaj lidhur me grabitjen e dokumenteve të prokurorisë së Durrësit.
Alibeaj tha se grabitja e materialeve sekrete nga Prokuroria është dëshmia më e madhe e rënies së shtetit. Ai kërkoi nga Kryeprokurorja e Përkohshme që të sqarojë opinionin publik lidhur me dokumentet sekrete të grabitura dhe institucionit që ato i drejtoheshin.
“Grabitja e postës sekrete e Prokurorisë së Durrësit, është një akt i paprecedentë. Nuk ka ndodhur as në momentet me kritike të shtetit. Grabitje e postës sekrete është dëshmia se si krimi dhe shteti janë bërë një. Është dëshmia se si krimi dhe shteti janë bërë një.
Bashkëpunimi i shtetit me krimin janë bërë një. Krimi nuk vetëm përmbajtën e dokumenteve sekrete, por dhe vendin se kur do tërhiqen
PD i bën kërkesë, Prokurores së Përgjithshme të Përkohshme, kërkesë që të informojnë publikun, se kush ishte i informuar për këtë gjë. Çfarë dokumentesh janë grabitur, a ka lidhje posta sekrete me Vangjush Dakon? A ka lidhje me trafikun e drogës që po bëhet në Portin e Durrësit?”, tha Alibeaj
Deklaratë e deputetit, Enkelejd Alibeaj
Grabitja e postës sekrete në Prokurorinë e Durrësit është një nga aktet më të rënda dhe të paprecedentë në të gjithë historinë e shtetit shqiptar.
Nuk ka ndodhur kurrë më parë, as në momentet më kritike të vendit, që të grabiten dokumenta sekretë as natën dhe as ditën.
Grabitja e materialeve sekrete për Prokurorinë e Durrësit është dështimi më i madh i rënies së shtetit përballë krimit.
Është dëshmia sesi shteti dhe krimi janë një i vetëm!
Bashkëpunimi i shtetit me krimin ka arritur në nivele të tilla, saqë krimi i organizuar di jo vetëm përmbajtjen e dokumentave sekrete, por krimi di vendin dhe orën kur ato do të tërhiqen nga korrieri i posaçëm i postës sekrete.
Partia Demokratike i kërkon Prokurores së Përgjithshme të Përkohshme dhe Policisë së Shtetit të informojë menjëherë publikun se cfarë përmbante posta sekrete, kush ishte në dijeni të dokumentave dhe cili ishte institucioni marrës dhe dërgues.
A ka lidhje posta sekrete e grabitur me hetime për Kryetarin e Bashkisë së Durrësit, Vangjush Dakon?
A ka lidhje posta sekrete e grabitur me hetimet për trafikun e drogës nëpërmjet Portit të Durrësit?
Grabitja e postës sekrete për Prokurorinë e Durrësit është një nga shumë provat se marrja e drejtësisë nën kontrollin e Edi Ramës do të thotë se sot drejtësinë e kontrollon krimi i organizuar.
Këtë e provon edhe nxitimi i Prokurorisë së Durrësit për të mohuar rëndësinë e materialeve të grabitura. Deklarat e Prokuroisë është qesharake, sepse grabitësit nuk ja koleksionues të letrave çfarëdo që i shkojnë prokurorisë. Dokumentat e grabitura kanë rëndësi për aktivitetin kriminal të atij që ka urdhëruar grabitjen e tyre.
Çdokush që ka besuar se prokuroria do të performonte ndryshe pas reformës në drejtësi, sot e provoi edhe një herë se gjithçka ishte një iluzion. E vërteta është se pa shkëputjen e lidhjeve të qeverisë nga krimi, situata në vend do të përkeqësohet.
