Greqi, miratohet dekreti për zgjerimin me 12 milje në Detin Jon, Tirana heshtë pritet të flas Haga

Partia në pushtet, Partia Socialiste, në kohën kur ishte në opozitë, me ca Aleanca të çuditshme të Shoqërisë Civile kundërshtoi 6 miljet e zgjerimit grek në Detin Jon por sot kur Këshilli i Lartë i Shtetit të Greqisë miraton dekretin presidencial për zgjerimin e ujërave territoriale në detin Jon deri në 12 milje, ata heshtin. Dekreti përfshin hapësirën në zonën veriore të detit Jon, të ishujve të Jonit e deri në Kepin e Tenaro në Peloponez.

Lajmin e publikon e para gazeta greke “To Protothema” në një reportazh të detajuar, ku thekson se me këtë hap ditën e Krishtlindjeve, Athina i dërgon një mesazh të hapur Turqisë, sidomos kur theksohet se, në përputhje me Konventën e Organizatës së Kombeve të Bashkuara qeveria greke “rezervon të drejtën për të ushtruar të njëjtën pikë dhe në zonat e tjera të ujërave territoriale”.

Zgjerimi i ujërave territoriale në detin Jon transformon të njëjtin rajon në një Zonë Ekskluzive Ekonomike, EEZ, pra në një zonë detare, ku një shtet ka të drejtë të hulumtojë ose ndryshe të shfrytëzojë burimet detare, përfshirë prodhimin e energjisë elektrike të ujit dhe ajrit.

Më këtë përcaktim të vijave bazë në rajonin e Detit Jon dhe mbylljen e gjireve, si dhe zgjerimi i ujërave territoriale në Detin Jon, Greqia nis rrugëtimin për hartimin e marrëveshjes Greqi-Shqipëri, në Gjykatën Ndërkombëtare të Drejtësisë në Hagë.

Për zgjidhjen e mosmarrëveshjeve mes dy vendeve, Kryeministri Edi Rama tha se ka rënë dakord gjatë vizitës së ministrit të Jashtëm, Nikos Dendias, në Tiranë, thekson gazeta greke “To Protothema”, mënyrë kjo e zgjidhjes të cilën Rama e kishte hedhur poshtë kur u propozua nga Kryemnistri Berisha dhe ai ishte lider i opozitës.

Gjithsesi, “To Protothema” shton se çështja mbetet e hapur nga viti 2009, kur Greqia nënshkroi një marrëveshje për zonën detare, e cila u anulua nga Gjykata Kushtetuese e Shqipërisë.