“Grusht Shteti i Edi Ramës”, me një gjeneral të paaftë Kryeministri po vendos diktaturën!
Grusht shteti ose puçi (gjer.Putsch – puç; fra.coup d’état – ku de`ta; ose vetëm fra.coup – ku) është shkarkimi antikushtetues dhe zakonisht me dhunë i pushtetit, zakonisht me ndihmën e ushtrisë, si pasojë e destabilizimit shoqëror dhe dobësimit të institucioneve shtetërore. Për suksesin e grushtit të shtetit vendimtare është vendosja e kontrollit mbi sistemin e sigurisë (ushtri, polici, shërbimet informative etj.) si dhe kontrolli i hapsirës mediatike.
Ne kemi parë gjatë Luftës së Ftohtë, kryesisht në Afrikë, Azi dhe Amerikën Latine, grushte të shteteve që erdhën si rezultat i përplasjeve SHBA-Rusi.
Madje grushte të shteteve kanë qenë të përsëritura në dy shekujt e fundit në Amerikën Latine, Spanjë, Meksikë, Amerikë Qendrore, Venezuelë, Kolumbi, Peru, Argjentinë, Kili, Uruguai dhe Paraguai.
Gjatë shekullit të XX-të, grushti i shtetit u karakterizua si mënyra në të cilën forcat e armatosura, përmes forcës, zhvendosën qeveritë legjitime ose jo nga pushteti, të cilat përgjithësisht u zëvendësuan nga qeveri diktatoriale.
Kështu vijmë deri tek realiteti jonë shqiptar që për pak orë pritet të legjitimohet me diktaturë, pas kontrollit mbi të gjitha pushtetet që arriti Edi Rama!
Dhe, jo vetëm që pushteti i Edi Ramës është i ngjashëm me shtetet e këtyre dy shekujve sepse kultivohet dhe tregtohet droga nën kontrollin e strukturave shtetërore, pro në Shqipëri edhe nëse ndodhë “Grushti i Shtetit” ai do të jetë i veçantë, meqë këtu ushtria nuk po përdor dhunë ndaj pushtetit por është Kryeministri Edi Rama ai që po përdorë dhunë ndaj ushtrisë, në mënyrë që të vendoset diktatura!
E gjitha kjo, nën kujdesin që kurrë nuk i ka munguar Edi Ramës dhe nuk do ti mungojë edhe me rastin e instalimit të kësaj diktature alla shqiptare. Teoria marksiste thotë, dhe këtë Edi Rama e di shumë mirë, se grushti i shtetit ndryshon nga revolucioni sepse për qëllim nuk ka ndryshimin radikal të rendit politik, por kryesisht rishpërndanë pushtetin brenda një sistemi ekzitues politik.
Çfarë ka ngelur të rishpërndahet brenda këtij sistemi politik! Më 25 Korrik, Ilir Meta nuk është President dhe misioni i tij aktrimit në rolin e Presidentit të Republikës që kundërshton Kryeministrin Edi Rama merr fund.
Nuk vonoi, dhe nevoja për ndryshim u konfirmua! Shqiptarët e panë që sot mosndërhyrjen e atij që dërdëlliste me Kushtetutë në dorë para demokratëve të Lulzim Bashës, Presidenti aktual i Republikës, Ilir Meta. Ai sot nuk mbrojti rendin kushtetues, postin e Shefit të Shtabit të Përgjithshëm të Forcave të Armatosura dhe gradën madhore të një oficeri aktiv, nga i cili hoqi dorë ai i cili nuk ka respekt për veten e vetë edhe pse u betua, Gjeneral major Bajram Begaj, për t’i hap rrugën Shqipërisë për goditjen e fundit:
Grushti i Shtetit të Edi Ramës!
