“Habilaj”, GJKKO dënon me 8 vite burg Ish-Zyrtarin e policisë së Vlorës

Gjykata e Posaçme për Korrupsionin dhe Krimin e Organizuar, GJKKO, ka dënuar me 8 vite burg Ish-Shefin e sektorit të luftës kundër krimit të organizuar në drejtorinë e Qarkut Vlorë, Gjergji Kohila, i përfshirë në dosjen “Habilaj” për trafikun e kanabisit.

Gjykata e Posaçme dha 12 vite burg për Kohilën, raporton BW, me akuzën për veprën penale trafik lëndësh narkotike, por në zbatim të gjykimit të shkurtuar dënimi ulet në 8 vite.

12 vite ishte dhe pretenca e SPAK për Ish-Zyrtarin e policisë, i cili ka qenë bashkë i pandehur me Ish-Ministrin e Brendshëm Saimir Tahiri.

Ish-Zyrtari i policisë akuzohej për trafik narkotikësh në kuadër të grupit të strukturuar kriminal. Sakaq, dosja për Sokol Boden është veçuar, pasi ai ka kërkuar gjykim të zakonshëm, duke hequr dorë nga gjykimi i shkurtuar.