“Habilaj” në gjykatë, dy letërporosi për Saimir Tahirin

Prokuroria e Krimeve të rënda ka përfunduar hetimet për grupin e Moisi Habilajt dhe ka dërguar dosjen në gjykatë për 9 anëtarët e grupit Habilaj.

Në dosjen e prokurorisë, thuhet se këta persona kanë bashkëpunuar me ish-zyrtarë të lartë të policisë, si Jaeld Çela, Gjergji Kohila e Sokol Bode  si edhe ish-ministrin e brendshëm Saimir Tahiri.

Prokuroria është në pritje të dy letërporosive për ish-ministrin e brendshëm, Saimir  Tahiri. Burime nga Prokuroria e Krimeve të rënda thanë për BW se në fundjavë dy prokurorët Dritan Prenci dhe Vladimir Mara, kanë udhëtuar drejt Italisë, ku kanë marrë të dhëna për llogari të cështjes “Tahiri”.

Mësohet se Prokuroria po heton një udhëtim që kanë kryer familjarët e ish-ministrit Saimir Tahiri në korrik 2014 nga Shqipëria në Itali. Mësohet se në të njëjtin avion me familjen Tahiri, ka udhëtuar edhe Moisi Habilaj. Prokurorët po hetojnë sakaq qëllimin e këtij udhëtimi.