Hashim Thaçi: Adem Demaçi ishte lufta e lavdishme e UÇK-së
Nën kujdesin e presidentit të Kosovës, Hashim Thaçi, në sheshin e Prishtinës u mbajt ceremonia përkujtimore për nder të jetës dhe veprës së veprimtarit Adem Demaçi.
Ceremonia filloi me himnin shtetëror pastaj kombëtar, dhe me një minutë heshtje.
Presidenti i Kosovës, Hashim Thaçi tha se Kosova është në zi dhe bota shqiptare në pikëllim.
“Adem Demaçi ishte lufta e lavdishme e UÇK-së, pasi me qëndresën e tij u bë simbol i lirisë kombëtare. Shpirti i tij ishte më i fuqishëm se burgu jugosllavë dhe rrezatoi humanizëm”, tha presidenti Thaçi.
Thaçi tha se Demaçi ishte dhe do të mbetet ndërgjegjja jonë kombëtare, simbol i humanizmit. Ai tha se Demaçi u shndërrua më frymëzues.
Gjatë fjalimit të tij Thaçi tha se Demaçi ishte i madh edhe kur fliste dhe kur kritikonte. Thaçi tha se Demaçi ishte kolos i mendimit të lirë.
Meta: Jeta e Demaçit ishte luftë dhe atë luft e fitoi
Presidenti i Shqipërisë, Ilir Meta, në ceremoninë komemorative për veprimtarin Adem Demaçi, ka thënë se ai qëndroi, luftoi dhe fitoi, duke u bërë shembull për të gjithë shqiptarët.
“Jeta jote ishte luftë dhe këtë luftë e fitove. Do të mbetesh përjetë Adem Demaçi shqiptar. Sot fjalët bac janë të paketa për ty, dhimbja është sa një mal”, tha ai.
Kurse, kryeministri i Kosovës, Ramush Haradinaj tha se baca Adem Demaçi ishte patriot si të tjerët por i veçantë me veprën e tij.
“Ishe i vetëm për të drejtën e plotë, kur të tjerët ju gëzuan lirisë së pjesshme, ty të mundonte robëria e pjesshme. Ti dhe nga liria jote më shumë se të gjithë ne për së gjalli”, tha Haradinaj.
