Hashim Thaçi fol pa lidhje, vetëm të qëndrojë në skenë
Presidenti i Kosovës, Hashim Thaçi, pas prezencës komike mbrëmjen e së enjtes në dy televizionet e Tiranës në të njejtën kohë, mungesa qoftë edhe të një këshilltari të mençur bënë që ai sot të jetë edhe më qesharak. Sot ai kërkoi sqarim nga Kryeministri në detyrë, ministri i Shëndetësisë dhe ushtruesi i detyrës së ministrit të Brendshëm për rastin e kthimit të deputetit Behgjet Pacollit në vend, kur gjithë hallakamën me Pacollin naiv e inskenoi vetë Thaçi. Por, Presidenti duke pasur pa fund rruza, vazhdoi ti shtin n’pe duke kërkuar llogari nga Kurti, Vitia dhe Sveçla, për humbjen e jetës së të riut Agon Musliu ditë më parë në karantinë te Qendra e Studentëve ndonëse po hetohet nga prokuroria.
“Grupi i Kurtit, Sveçlës dhe Vitisë duhet të sqarojnë çështjen e jetës për jetën e Pacollit se si kanosej gjatë fluturimit të tij për Prishtinë. Dhe pse Pacolli ka devijuar fluturimin në drejtim të Tiranës, sikurse ka edhe përgjegjësi morale, politike dhe ligjore të japin grupi i Kurtit dhe Vitia, dhe gjithashtu edhe Sveçla për shtytjen në vetëvrasje të studentit nga konviktet, sikurse për seleksionimin politik se kush duhet të karantinoret dhe kush jo. Në këtë drejtim ata duhet të përgjigjen sa më shpejt aq më mirë. Në anën tjetër ju e dini që vendimet e qeverisë janë shpallur antikushtetuese sa i përket pandemisë, dhe nuk kam çfarë të shtojë më tepër atyre vendimeve. Prandaj unë respektoj këshillat e IKShP-së dhe jo vendimet antikushtetuese të grupit të Kurtit dhe të tjerëve.”
Por Thaçi nuk u mjaftua me kaq çmenduri duke qenë dhe President i Kosovës së varfëruar edhe me shumë nga COVID-19. Vazhdoi duke gënjyer dhe ashtruar se të gjithë duhet të respektojnë procesin elektoral të 6 tetorit, Kushtetutën, kur ai me hyzmeqarin e tij, Isa Mustafa, asnjërën prej tyre nuk i respekton; Madje as deri në vendimin e kësaj gjykate që pritet të konfirmoj çmendurinë e tij.
Por Thaçi vazhdoi tutje. Askush nuk duhet të pretendojë të mbajë të uzurpuara institucionet e vendit, tha Hashim Thaçi, vetëm 100 pasi filloi ti zbërthehet okupimi mafioz i të gjitha institucioneve kosovare,.
“Askush nuk ka të drejtë të pretendoj të mbajë të uzurpuara asnjë zyre të institucioneve të vendit. Ne veçanti pas vendimit të Kuvendit të Kosovës, dhe përfaqësuesve të popullit. Askush nuk e di se cili do të jetë vendimi i Gjykatës Kushtetuese, askush nuk duhet të paragjykoj apo predikoj se do të jetë ky apo ai vendim, por të gjithë duhet të punojmë me kulturën më të lartë dhe përgjegjësinë më të lartë edhe politike edhe kombëtare demokratike duke respektuar Kushtetutën dhe ligjet.”
Duke folur për situatën pandemike, vazhdoi të ngelet qytetari i vetëm i Ballkanit qënuk përshëndet punën e Qeverisë së Kosovës për përballjen me sukses deri më tani të situatës me COVID-19. Dhe, deri sa organizimi i karantinës në Kosovë ngelet model për rajonin, Thaçi foli për qasje selektive politike për karantinimin në konvikte:
“Me një porosi të veçantë, edhe karantinimi në konvikte të bëhet në mënyrë profesionale në raste e nevojshme, e sidomos të mos vazhdojë të ketë qasje selektive politike. Dikush të karantinohet e dikush jo në bazë të lidhjeve dhe preferencave politike. Kështu do ta ruajmë shëndetin, por edhe gjasat për rihapje të shoqërisë, shtetit dhe rimëkëmbjes së ekonomisë do të rriten.”
Në fund, në lumin e akuzave mbi Albin Kurtin zuri vend edhe ndalja e toneve të armiqësisë në skenën politike, dhe tejkalimi i niveli të ultë i bashkëpunimit me Shqipërinë, edhe pse Kryeministri Kurti ka pasur kontakte të vazhdueshme me Ambasadorin Minxhozi duke përfshirë edhe ditën e sotme, kur dhe u zhvillua takimi në kryeministri para fillimit të shfaqjes së Hashim Thaçit.
