Mashtrimet e Ramavirusit, Basha: Asnjë Kryeministër në botë nuk gënjen si Rama!

Deri sa Kryeministri Edi Rama vazhdon me premtimet, lekë nuk jep ama garanton infeksion për punonjëset e fasonerive që nuk ndaluan prodhimin edhe me COVID-19 nëpër këmbë, reagon ashpër Kryetari i Partisë Demokratike, Lulzim Basha, duke u shprehur se asnjë Kryeministër tjetër në botë nuk gënjen si Edi Rama.

“Asnjë KM tjetër në botë nuk gënjen si Rama që të mos u japë njerëzve lekët. Asnjë KM në botë nuk ka infektuar 2 bashki, sepse refuzon të paguajë punonjëset e fasonerive,” thekson Lulzim Basha duke shtuar:

“Unë kam zgjedhur të jem zëri i të gjithë shqiptarëve të braktisur nga Rama që nuk e kanë marrë ndihmën që u takon.”

“Mashtrimet nuk hahen. Fjalët boshe nuk e ndihmojnë ekonominë,” thekson Kryetari i Partisë Demokatike, Lulzim Basha, në reagimin e tij përmes rrjetit social Twitter ndërsa përfundon:

“Gënjeshtrat dhe sajesat e shtetit prej kartoni nuk i fshehin dot vjedhjet, mashtrimet dhe dështimet e RAMAVIRUSIT që po rrënon ekonominë dhe po varfëron e shpunëson përditë shqiptarët.”