Helmim masiv, deputetja e PD në Spitalin e Krujës

Uji i ndotur nga ujësjellësi elektoral i Partisë Socialiste nuk ka shqetësuar njeri deri më sot kur Spitali i Krujës u mbush me dhjetëra të infektuar dhe “shteti u ngrit në këmbë”. Policia ifnormoi se rreth 35 qytetarë kanë përfunduar në spital të helmuar, ndërkohë që priten analizat nga Drejtoria e Shëndetit Publik Krujë dhe Tiranë për të zbuluar të vërtetën në Spitalin e Krujës mbërriti edhe deputetja e PD në Krujë, Merita Bakiu, për të parë nga afër situatën e krijuar nga helmimi masiv dhe ata që tashmë janë në mëshirën e fatit dhe vazhdojnë të dyshojnë se janë helmuar nga uji i pijshëm.

Krujë/Informacion paraprak

Policia e Krujës, pas marrjes së njoftimit mesditën e sotme, nga urgjenca e Spitalit të Krujës, se dy ditët e fundit kanë shkuar për ndihmë mjekësore, rreth 35 shtetas, të cilët dyshohet se janë helmuar, menjëherë ka ngritur grupin hetimor, i cili ka shkuar në spitalin e Krujës dhe vijon punën për sqarimin e rrethanave dhe zbardhjen e shkakut.

Nga ana e Policisë janë njoftuar organet e shëndetit publik dhe të AKU-së, për të sqaruar këtë situatë. Priten analizat nga DSHP Krujë dhe Tiranë.

Grupi hetimor po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve.