Heronjtë e fëmijëve tanë s’janë gay, PD: Prindër, denonconi çdo akt që cënon parimet themelore të familjes!

Partia Demokratike përmes drejtuesit të Sekretariatit për të Drejtat e Njeriut, Bislim Ahmetaj, ka denoncuar sot përpjekjet për t’i dhënë legalitet helmit që shpërndahet përmes filmave dhe formave të ndryshme të propagandës nëpër shkollat tona publike dhe private, siç po ndodh këto ditë me filmin “Strange World” /Lexo shqip: “Botë e Çuditshme” por pushteti i Edi Ramës e ka përkthyer “Botë e Mrekullueshme”/ që po shfaqet në Kinema Millenium prej disa ditësh dhe ku heronjtë e fëmijëve serviren përsonazhet gay të filmit.

“Heronjtë e fëmijëve tanë, janë dhe duhet të jenë Skënderbeu, Nënë Tereza, Ismail Qemali e plot të tjerë, dhe jo përsonazhet gay të filmit “Botë e mrekullueshme,” thekson Bislim Ahmetaj duke shtuar se dërgatës së George Sorosit në krye të qeverisë shqiptare dhe të Bashkisë së Tiranës po i vjen fundi, ndërsa përfundon:

“Edhe një herë ju bëj thirrje prindërve dhe edukatorëve të denoncojnë pranë Sekretariatit për të Drejtat e Njeriut cdo akt që nxit, inkurajon apo promovon devijimet nga normaliteti, që cënon parimet themelore të familjes, kolonës që ka siguruar mbijetesën historike të kombit tonë.”

Deklaratë:

Partia Demokratike, si parti e vlerave konservatore, ka qenë dhe do të jetë gjithmonë në mbrojtje të familjes tradicionale, ne jemi të vendosur të kundërshtojmë çdo lloj propagande të llojit sorosian që promovon “Prindin 1” dhe “Prindin 2”, apo që “të jesh gay është gjëja më normale e mundshme”, “që heronjtë e fëmijëve tanë të jenë gay”, e të tjera devijime kundër familjes tradicionale dhe Krijuesit.

Në cilësinë e Sekretarit për të Drejtat e Njeriut në Partinë Demokratike u bëj apel prindërve dhe mësuesve që të denoncojnë çdo përpjekje për t’i dhënë legalitet helmit që shpërndahet përmes filmave dhe formave të ndryshme të propagandës nëpër shkollat tona publike dhe private. Siç po ndodh këto ditë me filmin “Strange World”, përkthyer në shqip me titullin “Botë e Mrekullueshme”, që po shfaqet në Kinema Millenium prej disa ditësh.

Heronjtë e fëmijëve tanë, janë dhe duhet të jenë Skënderbeu, Nënë Tereza, Ismail Qemali e plot të tjerë, dhe jo përsonazhet gay të filmit “Botë e mrekullueshme”.

Gjej rast të falenderoj dhe të shpreh solidaritet dhe mbështetje të plotë me “Koalicionin Shqiptarët Pro Familjes dhe Jetës”, si edhe organizatave të tjera të shoqërisë civile që kundërshtojnë me forcë promovimin dhe legalizimin e kësaj propagande, e cila po përpiqet të helmojë njërën prej shtyllave më të forta të shoqërisë shqiptare, Familjen.

Dërgatës së Xhorxh Sorosit në krye të qeverisë shqiptare dhe të Bashkisë së Tiranës po i vjen fundi, ndaj edhe një herë ju bëj thirrje prindërve dhe edukatorëve të denoncojnë pranë Sekretariatit për të Drejtat e Njeriut cdo akt që nxit, inkurajon apo promovon devijimet nga normaliteti, që cënon parimet themelore të familjes, kolonës që ka siguruar mbijetesën historike të kombit tonë.

Ju faleminderit