Hidhen poshtë kërkesat e PD dhe LSI, KQZ: Regjistrohet koalicioni “Shtëpia e Lirisë” e LSI-PDK
“Në vlerësimin përfundimtar, unë vendos që të regjistroj si subjekt koalicionin e partive politike LSI dhe PDK, emri i koalicionit është “Shtëpia e Lirisë” dhe partia udhëheqëse është LSI.” Kështu u shpreh kreu i Komisionit Qendror të Zgjedhjeve, Ilirjan Celibashi, pasi shpëtoi nga çmenduritë që nxirrte nga goja avokati i Lulzim Bashës në KQZ, i cili ishte e qart se nuk kishte vajtur për të përfaqësuar Bashën por për të kundërshtuar Komisionin e Rithemelimit të PD.
Edhe pse çdo njeri normal në tokë, përveç Lulzim Bashës dhe Marash Logut, e kishin të qartë se ky koalicion ligjërisht do të regjistrohej si i LSI dhe PDK, pas dështimit të Logut të Bashës e Hotit për ta bërë nul koalicionin me një pretendim idiot dhe pas një fjalimi politik shumë më të ulët se ai i Bamkës së Lushnjes, Celibashi për ti shpëtuar nxjerrjes së zorrëve nga barku, mori vendim:
“Secili prej jush dha mjaftueshëm argumente mbi çështjen. Ndaj po e përfundojmë këtu diskutimin nga ana juaj. Vlerësimi i KQZ lidhur me këtë kërkesë është: Ne konsiderojmë që, duke arsyetuar dhe pretendimet e përfaqësuesit të PD, së pari për legjitimitetin e kërkesës mbi afatin, ne këtë kërkesë po e shqyrtojmë sot. LSI si parti politike figuron të jetë e regjistruar si subjekt zgjedhor. Nuk mund të them që pretendimi i Logut ishte alogjik, por mendoj se si pretendim nuk ka bazë ligjore. Po shqyrtojmë një kërkesë të rikonfirmuar edhe nga përfaqësuesi i LSI të interesit të tyre për të pasur një koalicion zgjedhor në zgjedhe. Vlerësoj që kërkesa e subjektit zgjedhor LSI e shqyrtuar sot për të regjistruar një koalicion, ka legjitimitet të plotë dhe mund e duhet të shqyrtohet si kërkesë.
Lidhur me përmbajtjen e pjesën materiale mendoj dhe vlerësoj që ai pretendim qëndron, sa i përket disa aspekteve identifikuese, qoftë politike, por edhe zgjedhore, të këtij koalicioni, vlerësoj se nuk qëndron kërkesa e Logut për ta kthyer për plotësim kërkesën, pasi do të ishim në këtë situatë, nëse do të kishim mungesë të dokumentacionit përkatës. Ne i kemi të gjitha elementet dokumentarë, kemi dhe diçka më shumë, dhe jemi në situatën kur kërkesa në përbërje të saj reflekton konfliktualitet me interesat e ligjshme të një partie tjetër politike,” tha Celibashi duke i bërë lavazh atyre që nxori Logu nxori nga goja si dhe duke e qartësuar se elementët që lidhen me PD mund ti mbaj në kokën e vet ndërsa koalicioni i partive do të jetë i LSI dhe PDK me emrin Shtëpia e Lirisë:
“Ndaj, kërkesa për të përfshirë në simbole, sigla apo edhe në thelbin e vet elementë që lidhen me PD nuk mund të pranohen. Nga ana tjetër, ajo çfarë vlen më shumë është diskutimi lidhur me ato elementë që mund të krijojnë konfuzion. Në vlerësimin përfundimtar, unë vendos që të regjistroj si subjekt koalicionin e partive politike LSI dhe PDK, emri i koalicionit është “Shtëpia e Lirisë” dhe partia udhëheqëse është LSI.”
