Holanda i mbyll gojën Ramës/ Presim rezultate konkrete për luftën ndaj krimit dhe korrupsionit

“Tashmë ka një udhërrëfyes të qartë për vijimin e rrugëtimit deri në Qershor 2019. Ka ardhur koha për të arritur rezultate konkrete në të gjitha nivelet në luftën kundër krimit të organizuar dhe korrupsionit, si dhe për të ecur përpara në reformën në drejtësi.

Hollanda i qëndron qasjes së saj strikte dhe të drejtë dhe është e gatshme të bashkëpunojë edhe më tej me Shqipërine në lidhje me këto reforma kyçe në periudhën që vijon”, thuhet në një postim të Ambasadës holandeze.

Reagimi i Holandës vjen pak ditë pasi ministrant e Jashtëm të BE-së vendosën të shtyjnë me 1 vit vendimin për hapjen e negociatave me Shqipërinë dhe Maqedoninë, duke renditur edhe kushtet që duhet të plotësojnë këto vende deri në qershor të 2019.

Por kundrejt këtij vendimi, Kryeministri Edi Rama, ka zgjedhur retorikën për të fajësuar dhe akuzuar opozitën për moshapjen e negociatave në fund të qershorit të 2018, ashtu sikundër kishte trumpetuar për muaj me rradhë.

Rama së fundmi e ka cilësuar opozitën si esadiste, pasi sipas tij, qëndrimi i mbajtur prej saj, ka bërë që Shqipërisë t’I caktohet qershori i 2019-ës për hapjen e negociatave.

Por në fakt në qershor të vitit të ardhshëm do të merret vendimi, pra do të shihen nëse Shqipëria ka përmbushur apo jo kushtet për hapjen e negociatave.