Humbi ndaj Francës, ja premtimi që bën Mancini/ Italia pas 1 viti është…

Pas humbjes nga Franca, trajneri i Italisë ka treguar dallimin mes dy skuadrave.

Franca luajti e plotë ndaj Italisë. Trajneri Roberto Mancini ofroi mundësi aktivizimi për të sapoardhurit, Mattia Caldara, Rolando Mandragora dhe Domenico Berardi.

“Kjo ndeshje mund t’i ndihmojë ata për të fituar përvojë. Askush nuk pëlqen të humbasë, por ka pasur momente, ku kemi pasur shanset për ta barazuar rezultatin 2-2, – tha trajneri i Italisë për “Rai Sport”.

– Natyrisht, ekziston një ndryshim midis nesh dhe Francës për momentin. Ishte një lojë krejtësisht e ndryshme nga ajo me Arabinë Saudite dhe lojtarët bënë shumë mirë.

Ndoshta gjëja më e rëndësishme është që debutuesit kanë bërë mirë dhe, nëse vazhdojmë kështu, për një vit do të jemi në nivelin e Francës, ose afër saj.

Në këtë moment, për fat të keq, Franca është superiore ndaj nesh dhe ka kaq shumë lojtarë në dispozicion. Ne duhet të punojmë dhe të mësojmë t’i afrohemi, por jemi në rrugën e duhur”.