I detyruar të votoj, Lulzim Basha gënjen: Rama, Berisha e Meta bënë gjithçka për të larguar ONM!
Kur nuk flenë gjumë gënjen! Ky është Lulzim Basha i cili sot u nis në seancë plenare i detyruar që të votoj shtyrjen e mandatit të organeve vettingut ashtu siç i kishte thënë Kryeministri Edi Rama katër muaj më parë, dhe gjeti arsyen pse voton sot institucionin të cilin e kishte akuzuar për spastrim politik
Ndonëse Edi Rama ishte i qartë pse duhet të votohet zgjatja e organeve të vettingut, sot njeriu me profesion gënjeshtar, Lulzim Basha thotë se deputetë e PD që ka nën kontroll do ta votojnë pasi “Trekëndëshi i Bermudes Rama, Basha, Meta” këto ditë kanë bërë gjithçka për të larguar ONM.
“Reforma në drejtësi ka pasur ecejaket e saj, ngecje devijime dhe vazhdon të ketë. Brenda pak ditësh trekëndëshi i Bermudes, Edi Rama, Sali Berisha dhe Ilir Meta kanë bërë gjithçka që të largojnë ONM dhe vetingu të shkojë në drejtim të paditur. Me gjithë problemet përfshirë dhe korrupsionin e anëtarëve të KPK e KPA, prapë se prapë ka vetëm një shans që Shqipëria të bëhet pjesë e Europës, që politikanët të shkojnë në burg një nga një dhe që pasuritë të mos jenë në duart e oligarkëve, dhe kriminelët të mos jenë në parlament e bashki, është një drejtësi që funksionon. Sot nuk kemi drejtësinë që duam por do të ishte edhe më keq nëse procesi do të mbetej në mes dhe do të ndërpritej integrimi europian i vendit. Për hir të integrimit europian do bëjmë githçka, aq më shumë ti japim shansin një drejtësie të ngrihet në këmbë,” tha gënjeshtari Lulzim Basha.
Ndryshe, në muajin tetor Kryeministri Edi Rama ka sqaruar se si do të votoj sot Lulzim Basha dhe deputetët e tij:
“Nuk kemi negociata me PD sepse nuk kemi çfarë të negociojmë. Kushtëzim? Jo. Këto janë të ndara. Ky vetingu i madh nuk kushtëzohet dhe nuk negociohet. Është një domosdoshmëri për të përfunduar procesin. Ai është një veting për t’u përfunduar dhe jo për t’u negociuar,” sqaroi Kryeministri Edi Rama për Euronews më 18 Tetor 2021 pasi u keqinterpretua se kërcënoi Partinë Demokratike se duhet ta votoj zgjatjen e mandatit të vettingut ndërsa përfundoi:
“Kjo reformë është bërë që në nisje me partnerët tanë ndërkombëtarë, BE dhe SHBA. Nuk dua t’i vë unë ata përballë SHBA nëse ata nuk i dalin vetë përballë.”
Ndryshe, në qershor të këtij viti skadon afati për organet e vettingut, Komisionin e Pavarur të Kualifikimit, KPK, dhe Komisionerët publik, ndërkohë është parashikuar që deri në atë kohë rreth 30 për qind e gjyqtarëve dhe prokurorëve nuk do të arrijnë ti nënshtrohen procesit të rivlerësimit. Ndërokohë sipas legjislacionit në fuqi, pas përfundimit të mandatit të KPK-së, rivlerësimi të mund të bëhet nga Këshilli i Lartë Gjyqësor për gjykatësit dhe Këshilli i Lartë i Prokurorisë, për prokurorët.
Sot Lulzim Basha me deputetët e tij do të votoj atë që kishte deklaruar Edi Rama në tetorin e vitit 2021, mandati i organeve të vettingut do të shtyhet deri në fund të vitit 2024!
