I ndërpret fondet: Presidenti Trump: OBSH ka dështuar!
Presidenti i Shteteve të Bashkuara, Donald Trump, ka bërë të ditur se po i ndërpret fondet për Organizatën Botërore të Shëndetësisë, OBSH, pasi vlerësohet se ka keqmenaxhuar dhe mbuluar përhapjen e COVID-19.
“Sot po udhëzoj administratën time që të ndalojë fondet e Organizatës Botërore të Shëndetësisë përderisa është bërë një rishqyrtim për vlerësimin e rolit të Organizatës Botërore të Shëndetësisë në keqmenaxhimin dhe mbulimin e përhapjes së koronavirusit,” tha Presidenti Trump në takim me Task Forcën për koronavirusin në Shtëpinë e Bardhë.
Taksapaguesit amerikanë sigurojnë midis 400-500 milionë dollarë në vit për OBSH derisa Kina jep vetëm 40 milionë dollarë, tha Presidenti i SHBA, Donald Trump, duke shtuar se Organizata Botërore e Shëndetësisë ka dështuar në detyrat e sa themelore, në veçanti kundërshtimin për të ndaluar udhëtimet nga Kina.
“Si sponsor kryesor i organizatës, Shtetet e Bashkuara e kanë për detyrim të jetë e vendosor për përgjegjshmëri të plotë. Një nga vendimet më të rrezikshme dhe të kushtueshme nga OBSH ishte vendimi katastrofik i saj për të kundërshtuar kufizimet e udhëtimit nga Kina dhe vendet tjera,” tha Presidenti i SHBA, Donald Trump, duke marrë vendimi i cili për disa ditë përflitej pas akuzave direkte që ai i bëri kësaj organizate e cila lëshoi disa deklarata kontradiktore.
Ndryshe, OBSH është Agjenci e OKB-së e themeluar më 1948 me qëllim të koordinimit të politikës ndëkombëtare shëndetësore, në veçanti kur bëhet fjalë për sëmundjet infketive. Ka 194 shtete anëtare të cilat përzgjedhin delegacionet e ekspertëve me të cilat përfaqësohen në Asamblenë Botërore të Shëndetësisë, që është dhe organi suprem i OBSH.
Çdo shtet anëtar jep në vartësi nga pasuria dhe popullsia që ka, dhe këto janë 1/4 e të ardhurave përmes të cilave funksionon OBSH dhe 3/4 janë donacione vullnetare, nga shtetet anëtare ose partnerët.
SHBA është një kontribuese e madhe që dallon shumë nga shtetet tjera anëtare. Në vitin vitin 2018 dhe 2019 kanë dhënë 893 mln dollarë për OBSH prej të cilave 237 ishin në emër të anëtarësimit.
Donacionet e SHBA janë 14.7 për qind e donacioneve që merr OBSH, pas saj vjen Fondacioni i Bill dhe Melinda Gates, Britania e Madhe, Gjermania, Japonia etj.
Kina, në këtë renditje nuk është asgjëkundi, dhe Presidenti Trump ka plotësisht të drejtë sepse ka dhënë vetëm 80 mln dollarë.
