I shëruari i parë nga koronavirusi, del nga spitali

Në këto ditë të vështira që po kalon kombi shqiptar nga situata e krijuar nga koronavirusi, vijnë dhe lajme shpresëdhënëse nga Spitali Infektiv i Tiranës. Sot ka dal zyrtarisht nga spitali pacienti i parë i shëruar nga koronavirusi.

Foton e një jete të re e ka publikuar në rrjetin social Facebook, Kryeministri Edi Rama, me një mesazh për pacientin e parë dhe jo vetëm.

“I shëruari i parë del nga spitali për t’u mbyllur në shtëpi pa dalë fare 14 ditë, nën vëzhgimin e mjekëve fantastikë të infektivit!”

Ndryshe, në Shqipëri aktualisht janë zbuluar 76 raste të prekur nga koronavirusi, nga të cilët dy kanë ndërruar jetë, 37 janë të shtruar në Spitalin Infektiv 4 prej të cilëve janë në terapi intensive.