Inaugurohet Ambasada e Kosovës në Emiratet e Bashkuara Arabe

Kosova nga sot është bërë me Ambasadë në Emiratet e Bashkuara Arabe.

Inaugurimi i saj është bërë në një ceremoni ku mori pjesë, presidenti Hashim Thaçi, ministri i Jashtëm, Behgjet Pacolli dhe përfaqësues të Emirateve të Bashkuara Arabe.

Pacolli tha se Ambasada në Abu Dhabi është e para në shtetet e golfit që paraqesin një fuqi shumë të madhe ekonomike ndërsa përmendi edhe ndihmën  që Emiratet e Bashkuara Arabe kanë dhënë për Kosovën.

Postimi i plotë i Pacollit:

Sot u hapë Ambasada e Kosovës në Emiratet e Bashkuara Arabe, në Abu Dhabi. Në prerjen e shiritit prezent ishte Presidenti i Republikës së Kosovës dhe eksponentë tjerë nga qeveria e EBA. Ambasada e Republikës në EBA së Kosovës është e para në shtetet e golfit që paraqesin një fuqi shumë të madhe ekonomike. Emiratet e Bashkuara ishte shteti i parë arab që e njohu Kosovën, shtet që mori pjesë në aksionin e post konfliktit në Kosovë, për një kohë ishte pjesë e KFOR-it. Emiratet e Bashkuara ndërtuan infrastrukturën aeroportuale në Kukës për të iu dalë në ndihmë të dëbuarve nga Kosova. Emiratet e Bashkuara kanë ndihmuar dhe vazhdojnë të ndihmojnë Kosovën edhe ekonomikisht duke ndërtuar shkolla, spitale dhe duke renovuar edhe objektet e kultit.