Inaugurohet busti i Konstantinos Mitsotakis, Rama kreut të Dropullit: Nëse i shërben të gjatit….

Kryeministri Edi Rama sot inauguroi në Derviçan, bustin e Ish-Kryeministrit të Greqisë, Konstantinos Mitsotakis, por pa prezencën e të birit, Kryeministrit aktual Kyriakos Mitsotakis, i cili braktisi ceremoninë për shkak të tensionimit të marrëdhënieve me çështjen “Beleri”.

Edi Rama u mundua të tregohet miqësor me minoritetin grek duke e nis edhe fjalën e tij me përshëndetje në gjuhën greke, por Kryeministri Mitsotakis ndryshe Varhelyi e ca idiota të tjerë të Brukselit, i bëri të qartë se me Fredi Belerin në burg nuk ka integrim të Shqipërisë në BE. Dhe jo vetëm kaq!

Mungesën e Kryeministrit të Greqisë, Edi Rama u mundua ta tejkaloi me batutat e tij asambleiste, duke e tallur Kryetarin e Bashkisë Dropull i cili po i mbante çadrën:

“Nëse do t’i shërbesh të gjatit, duhet të zgjasësh dorën!”

Ndërkohë vazhdoi fjalën e tij:

“Sot kujtojmë dhe kremtojmë vendosjen e bustit të një personazhi historik të Greqisë fqinje. Ajo ngjan si imitimi i një rrëfimi romanesk, ku e shkuara e tashmja dhe e ardhmja e një vendi ndërthuren me personazhin, në një formë që sa e krijon atë, aq sa edhe e shkrin atë. Konstantinos Mitsotakis, ishte në qendër të vorbullës së politikës greke, nga fundi i Luftës së Dytë Botërore dhe deri në fillim të shekullit XXI.

Ai erdhi në jetë si djali i dytë I një deputeti grek dhe si stërnipi I kryeministrit grek. Konstantinos ndoqi shkollën e ligjit të Athinës, kundër dëshirës së vet, por formimi juridik do ta ndihmonte atë gjithë jetën në betejat epike për mbrojtjen e tij të patundur.

U burgos dhe u dënua dy herë me vdekje nga nazistët, por mbijetoi për mrekulli të fatit, falë një shkëmbimi të burgosurit. Për kontributin e tij dhe akte e tij të spikatura të rezistencës. U dekorua dy herë pas luftës, nga qeveritë e Greqisë dhe të Britanisë së Madhe,” vijoi fjalën e tij Edi Rama para patronazhistëve socialistë që po zëvendësonin minoritetin grek i cili e braktisi ashtu si dhe Kryeministri i Greqisë duke folur dhe për konfliktin që lindi pas arrestimit të Kryetarit të zgjedhur të Himarës, Fredi Beleri, të cilin SPAK-u i Ramës e prangosi me akuzën e blerjes së votave.

“Hera herës politika me nevojat e saj elektorale, jo domethënëse për fatet e vendeve tona trazon rrjedhën e vëllazërisë tonë, por janë gjëra që kalojnë. Mirë do ishte të mos ndodhin, por kalojnë edhe sherre e keqkuptime mes vëllezërish që jetojnë në shtëpi të ndryshme. Keqkuptimet jo vetëm kalojnë, por e bëjnë më të fortë lidhjen e pandashme mes dy popujve tanë. Nuk e di nëse Konstantinos Mitsotakis po na sheh nga lart, më pëlqen të mendoj që edhe dielli që u shfaq është buzëqeshja e tij,” u shpreh Kryeministri Edi Rama duke përfunduar:

“Po e mbyll duke uruar që Shqipëria dhe Greqia të kenë më shumë njerëz të ngjashëm me njeriun në këtë bust. Ajo që na ndan nuk e largon kurrë atë që na bashkon. Jemi dy popuj që ngjajmë si dy pika uji.”