Instituti për luftë: Gati ofensiva e re ruse, ja ku do të zhvillohet…
Instituti amerikan për studime të luftës, ISW, në raportin e tij të fundit thekson se Rusia po përgatitë ofensivë të re ndërsa i referohet burimeve në Perëndim, Ukrainë dhe Rusi.
“Sekretari i Përgjithshëm i NATO-s, Jens Stoltenberg, më 30 janar deklaroi se nuk ka shenja se Rusia po përgatitet të negocioi për paqe dhe të gjithë treguesit flasin të kundërtën. Stoltenberg e ka vërejtur se Rusia mund të mobilizoj më shumë se 200.000 njerëz. Stoltenberg theksoi se Vladimir Putin po ruan qëllimet e tij maksimale në Ukrainë,” shkruan Instituti ISW në raportin e fundit.
Edhe kreu i Këshillit të forcave tokësore rezervë në Ukrainë, Ivan Timoçko, deklaroi se forcat ruse po forcojnë grupimet e tyre në Donbas në kuadër të ofensivës e cila pritet të filloj, shkruan ISW duke saktësuar:
“Ofensiva sipas të gjitha gjasave do të zhvillohet në rajonin e Luhanskit gjatë muajve në vijim.”
Western, Ukrainian, and Russian sources continue to indicate that #Russia is preparing for an imminent offensive, supporting ISW’s assessment that an offensive in the coming months is the most likely course of action.https://t.co/BOss1GjKHc pic.twitter.com/LyzFcyzvtu
— ISW (@TheStudyofWar) January 31, 2023
Ndërkohë edhe ekspertët ushtarak rus, shkruan ISW, parashikojnë një ofensivë ruse. Thuhet se forcat kryesore të ofensivës ende nuk janë futur në luftë, por përgatitjet janë drejt fundit.
