Investigimi i gazetarëve britanikë/ Në Shqipëri mjafton 3 ditë për t’u pajisur me pasaportë italiane

Në Shqipëri falsifikohen pasaportat e vendeve të BE-së. Të paktën ky është një nga konkluzionet e investigimit të kryer nga gazetarë të Daily Mail, të cilët  kanë udhëtuar në Shqipëri për të investiguar falsifikimin e pasaportave të BE-së.

“Duhen vetëm tre ditë nga dhënia e porosisë për të marrë një dokument të falsifikuar në Tiranë”, thuhet në artikull.

Gazetarët kanë regjistruar të gjithë bisedën me një falsifikator shqiptar, i cili për 1000 euro prodhonte pasaporta italiane, me të cilat siç thuhet në artikull përdoren për të hyrë ilegalisht në Angli.

“Në kryeqytetin shqiptar Tiranë ne kontaktuam një falsifikator pas një ndërmjetësimi dhe pas 72 orësh kishim në dorë pasaportën italiane”, thuhet në artikull.

Në vijim gazetarët përshkuajnë me detaje atë që kanë bërë, duke i dhënë falsifikatorit fotot, por pasaporta e blerë mbante emrin e vërtetë të një shtetaseje italiane me vendlindje Monzën, të dhëna të cilat ishin marrë nga regjistri Italian i qytetarëve.

Falsifikatori shqiptar u ofroi gazetarëve anglezë edhe një kartë shëndeti me emrin Tessera Sanitaria, me të cilën gjithkush fare mirë në Angli mund të hapë një llogari bankare apo të marrë shërbime shëndetësore nëse do të paraqitej në Angli.

Sipas gayetarëve të Daily Mail, janë pëikërisht këto dokumente që kanë mundësuar futjen ilegale në Britaninë e Madhe të mijëra shtetasve shqiptarë.

Në lidhje me përdorimin e pasaportave të falsifikuara, Caroline Nokes i ka deklaruar gayetës se “ne kemi ekipe me ekspertë në të gjithë pikat kufitare në Angli që zbulojnë personat përdorues të tyre. Nga 2010 deri në 2018 janë ndaluar të hyjnë në Angli 144.000 persona me të tillë dokumente”.

‘Daily Mail’ konkludon se shqiptarët dhe ukrainasit janë përdoruesit më të shumtë të pasaportave italiane apo greke të falsifikuar, që janë kapur në kufi duke hyrë në Britaninë e Madhe.