Irlanda do t’i vras 200.000 lopë në luftën kundër ndryshimeve klimatike

Irlanda planifikon të vras rreth 200.000 lopë gjatë tre viteve të ardhshme në mënyrë që të realizoj qëllimet klimatike dhe të ulë ngrohjen globale, thuhet në shkresën e brendshme të ministrisë së Bujqësisë.

Në plan janë bisedimet me prodhuesit e qumështit dhe përfaqësuesit e qeverisë, tha për Agjencinë e lajmeve DPA, kryetari i shoqatës irlandeze për furnizim me qumësht të freskët, Pat McCormack.

Qeveria duhet të jetë e vendosur dhe të prezantoj buxhetin për financimin e këtij programi, i cili mund të jetë vetëm vullnetar, tha McCormack.

Fermerëve, tha zëdhënësja e ministrisë së Bujqësisë për DPA, Qeveria do t’ju ofroj opsione vullnetare, atraktive financiare.

Agjencia shtetërore për mbrojtjen e ambientit kohë më parë është shprehur se Irlanda, sipas të gjitha gjasave, do të dështoj në realizimin e qëllimeve klimatike. Vetëm sektori i bujqësisë duhet që deri në fund të kësaj dekade ta ul emetimin prej 4 deri në 20 për qind.

Ndryshe, Irlanda planifikon të ul emetimin për 30 për qind në krahasim me nivelet e vitit 2005, thekson Agjencia e lajmeve DPA.