Ish-Presidenti i Francës dënohet me 3 vjet burg

Ish-Presidenti Francës, Nicolas Sarkozy, është dënuar me 3 vjet burg por do të vuaj vetëm 1 prej tyre, pasi 2 i janë pezulluar.

Nicolas Sarkozy është shpallur fajtor për përpjekjen për të korruptuar një gjykatës. Ish-Presidenti i Francës, raporton BBC, kishte ofruar një punë në Monako gjyqtarit në këmbim të informacionit për një hetim penal rreth partisë së tij.

Gjykatësja Christine Mee, duke shpallur vendimin tha se ish-lideri politik 66-vjeçar kishte përdorur statusin e tij si ish-president në një akt veçanërisht serioz të keqbërjes.

Në vendim, gjykatësi tha se Sarkozy mund ta vuaj dënimin prej një viti në shtëpi me një përgjues elektronik, në vend se të shkojë në burg. Ish-presidenti pritet të apelojë.

Gjykatësi, Gilbert Azibert dhe ish-avokati i Sarkozy, Thierry Herzog, morën të njëjtën dënim.

Ndryshe, Prokurorët kërkuan një dënim me katër vjet burg për Sarkozy, gjysma e të cilit do të pezullohej. Çështja u përqëndrua në bisedat midis Azibert dhe Herzog, të cilat u regjistruan nga hetuesit me pretendimet se Sarkozy pranoi pagesa të paligjshme nga trashëgimia e L’Oreal Liliane Bettencourt për fushatën e tij presidenciale në 2007.

Linja telefonike që ata përgjuan ishte një numër sekret i vendosur në një emër të trilluar, Paul Bismuth, përmes të cilit Sarkozy komunikoi me avokatin e tij.

Sarkozy pritet të dalë sërish në gjyq nga 17 Mars deri më 15 Prill, për të ashtuquajturën çështje Bygmalion. Sarkozy akuzohet për mashtrim të tepruar në fushatën e tij presidenciale në vitin 2012. Ai kishte shërbyer si president nga viti 2007, por oferta e tij për rizgjedhje 2012 ishte e pasuksesshme.

Pavarësisht çështjeve të ngritura ligjore kundër tij, një vit para zgjedhjeve presidenciale, Nicolas Sarkozy mbetet popullor ndër të djathtët francez.