Arrestohet Drejtori i Përgjithshëm i Sekretariatit të Këshillit Prokurorial
Drejtori i Përgjithshëm i Sekretariatit të Këshillit Prokurorial të Kosovës, Lavdim Krasniqi, si dhe një zyrtar tjetër i këtijë institucioni, janë arrestuar me dyshimin e bazuar për keqpërdorim të detyrës zyrtare.
Zëdhënësi i Policisë së Kosovës, Baki Kelani, tha për KosovaPress, se Policia e Kosovës, përkatësisht Drejtoria për Hetimin e Krimeve Ekonomike dhe Korrupsionit, me urdhëresë të Prokurorisë Themelore në Prishtinë, ka shoqëruar për intervistim dy persona.
“Ata janë shoqëruar për intervistim, mbi dyshimin e bazuar për keqpërdorim të detyrës zyrtare,” sqaroi Zëdhënësi i Policisë së Kosovës, Baki Kelani,.
