Itali, mbi 2 miliardë euro ndihmë për zonat e prekura nga përmbytjet

Italia ka miratuar paketën për ndihmë emergjente në vlerë prej mbi 2 miliardë euro, për të ndihmuar zonat e prekura nga përmbytjet në rajonin verior Emilia-Romana, njoftoi kryeministrja Giorgia Meloni.

Të paktën 15 persona vdiqën si pasojë e përmbytjeve dhe pothuajse një javë pas kësaj katastrofe natyrore, edhe afër 23.000 mijë persona ende mbeten të pastrehë dhe disa qytete vazhdojnë të jenë të përmbytura.

Ndërkaq, mijëra hektarë tokë, veçmas toka bujqësore, janë shkatërruar si pasojë e përmbytjeve.

Meloni, e cila vizitoi të dielën zonat e prekura, sot mblodhi kabinetin qeveritar për të miratuar paketën e ndihmës.

Ajo tha se ndihma do të jetë për personat e prekur nga përmbytjet, por edhe për shërbimet e kujdesit shëndetësor dhe industrinë e turizmit.

Sipas kryeministres italiane, në këtë paketë përfshihen për shpenzime lidhur me emergjencat dhe moratoriumet mbi taksat dhe kontributet sociale për familjet dhe kompanitë e prekura.