Ja kush do e drejtojë finalen e Champions League
UEFA ka njoftuar sot se Milorad Mazhic do të referojë në finalen e Champions League në Kiev më 26 maj.
Zyrtari serb, 45-vjeçar, do ta drejtojë ndeshjen mes Real Madridit dhe Liverpoolit në stadiumin “Olimpiyskiy”.
Komiteti i Referimit i organit qeverisës të futbollit evropian e bëri publik vendimin këtë të hënë.
Mazhic, i cili është gjyqtar ndërkombëtar që prej vitit 2009, ka drejtuar katër ndeshje të Champions League si dhe dy në Europa league.
Ai ka qenë gjyqtar kryesor edhe në finalen e Kupës së Konfederatave të FIFA-s mes Kilit dhe Gjermanisë, si dhe në finalen e Superkupës së UEFA-s më 2016.
