John Bolton për FPA: Pse Tony Blair u angazhua për marrëveshjen Serbi-Kosovë?!
Mediat mediokre shqiptare kanalizuan “të vërtetën” e Ish-Këshilltarit të Sigurisë Kombëtare në Shtëpinë e Bardhë, John Bolton, ku përgënjeshtron Hashim Thaçin dhe Aleksandar Vuçiçin lidhur me planin për shkëmbimin e territoreve dhe nuk u raportua një e vërtetë shumë më e frikshme! Pse?!
Në morinë e praktikave të mediave shqiptare për të devijuar lajmin në shërbim të partisë, fillimisht thuhet se John Bolton foli për një televizion shqiptar. Opinioni shqiptar duhet sqaruar se kjo intervistë është dhënë për Foreign Press Association and Foundation, FPA, dhe PaFrikë duke publikuar të plotë këtë intervistë po jep dhe një të vërtetë të frikshme ku përveç se implikohet Ish-Kryeministri britanik, Tony Blair, që ishte këshilltar i Aleksandar Vuçiçit në kohën kur ai ishte Kryeministër i Serbisë, dhe këshilltar i Kryeministrit Edi Rama, dëshmohet pse rezultoi fiasko gjithë ky angazhim i Blair dhe vetë Grenellit!
Fillimisht për “lajmin bombë” që e trajtuan mediokrët mediatik shqiptar! Në këtë intervistë për Foreign Press Association and Foundation, FPA, Bolton e pranon, siç e kishte pranuar edhe 2 vjet më parë, se liderët e Serbisë dhe Kosovës që në vitin 2018 kanë biseduar rreth mundësisë së shkëmbimit të territoreve si zgjidhje të çështjes së Kosovës.
Në rastin e Kosovës dhe Serbisë, thotë ai për FPA, ekzistonin indikacione edhe para vitit 2018 se liderët dëshironin që të zgjidhnin këto çështje sepse e kishin të qartë se nuk mund të arrinin zhvillimin e pavarur ekonomik pa normalizimin e marrëdhënieve.
“Ishte kontroverse brenda shteteve, por kjo më dukej se ia vlen që të angazhohemi. Njëra ndër çështjet për të cilat biseduan ishte mundësia e shkëmbimit të territoreve,“ tha Bolton duke pranuar se kjo u prit me neveri nga Gjermania dhe Evropa perëndimore, si dhe në disa pjesë të Ballkanit.
“Në disa pjesë të Ballkanit, Gjermanisë, Evropës perëndimore, kjo u prit me neveri sepse kanë frikë që shkëmbimi i territoreve mund të sjellë shkëmbimin kudo sepse kjo po ndodhë në histori,” tha John Bolton duke konfirmuar sërish atë që dy presidentët, Thaçi dhe Vuçiç, po përgënjeshtrojnë vazhdimisht, se nuk është biseduar për ndarje etnike ose shkëmbim territoresh!
Dhe deri sa Thaçi dhe Vuçiç vazhdojnë dhe flasin për korrigjimin e kufijve, dhe ky nuk është lajm, rezulton se edhe Edi Rama ishte në dijeni për këto zhvillime, madje më tepër se kaq!
Kur John Bolton në cilësinë e Këshilltarit për Siguri Kombëtare në Shtëpinë e Bardhë u pyet në Kiev nga një medie amerikane, Radio Free Europe, RFE, jo për Krimenë por për Kosovën dhe kishte çuditë dynjanë ndonëse kishim të bëjmë me një medie të rreshtuar ekstremisht kundër Presidentit të SHBA, Donald Trump, Bolton, pasi kishte takuar palët e pranon se SHBA pranon çdo zgjidhje të pranueshme për palët. Ky refren ishte dëgjuar nga Vladimir Putin, por zhvillimi i ngjarjeve jep përgjigje edhe për këtë qëndrim.
Në Gushtin e vitit të kaluar, kur Al Jazeera raportoi se në takim me Sekretarin e Shtetit, Mike Pompeo, Presidenti i Serbisë, Aleksandar Vuçiç shoqërohej nga Tony Blair, këshilltarja për media e Presidentit të Serbisë, Suzana Vasileviç, nuk e konfirmoi për televizionin serb N1 ose më saktë nuk u përgjigj fare.
Por, John Bolton, në intervistën e tij dhënë për Foreign Press Association and Foundation, FPA, (time code: 49.19) jep përgjigjen ndonëse indirekte.
“Para një viti dukej se parashikimet ishin shumë të mira. Europianë serioz ishin angazhuar, ndër ta ishte Tony Blair i cili u angazhua për marrëveshjen Serbi-Kosovë. Mendova se diçka do të ndodhë. Nëse do isha sot këshilltar i sigurisë kombëtare nuk do të tërhiqesha,” ishte i qartë Bolton.
Çfarë i tha Sekretari i Shtetit, Mike Pompeo presidentit të Serbisë, Aleksandar Vuçiç edhe mund të mos ja ketë thënë Tony Blair kryeministrit të Shqipërisë, Edi Rama, por arsyen e kësaj vizite patjetër që po. Dhe, çfarë mendon Edi Rama për këtë çështje dhe shumë çështje tjera lidhur me sigurinë kombëtare, rezulton tashmë se i din një lobues serb siç është Tony Blair.
Por, këtë nuk duhet lënë në gjykimin e Edi Ramës që shkatërroi shtetin shqiptar. Dhe jo vetëm kaq!
Implikimin kaq të thellë të Tony Blair në këtë çështje e bën֝ë edhe më emigmatike heshtja e politikës shqiptare në Tiranë dhe Prishtinë, që nuk quhet Edi Rama ose Hashim Thaçi!
Ndërkohë, si u zhvilluan ngjarjet, John Bolton, në intervistën e tij dhënë për Foreign Press Association and Foundation, FPA, jep dhe përgjigjen pse Tony Blair udhëtoi në Moskë me Vuçiçin, dhe nuk u lejua të futet në takim me Presidentin e Rusisë, Vladimir Putin, por e lanë të pres para derës! Pse kancelaria gjermane Angela Merkel dhe jo vetëm, i tha JO ndarjes dhe shkëmbimit të territoreve, dhe, Pse dështoi takimi në Shtëpinë e Bardhë!
