Joseph: Koha që Presidentja e Kosovës të vizitojë Shtëpinë e Bardhë

Pas bisedës së fundit që Presidentja e Kosovës, Vjosa Osmani, zhvilloi me Ndihmës Sekretarit amerikan të Shtetit, James O’Brien, Profesori i Universitetit, Johns Hopkins në SHBA, Edward Joseph, tha se tani është momenti që Presidentja Osmani të bëjë një vizitë në Shtëpinë e Bardhë.

“Në bisedën e tyre, O’Brien dhe Osmani dërguan secili një sinjal të fortë për rreshtimin SHBA-Kosovë në çështjet kyçe. Në një moment të rëndësishëm të marrëdhënies së tyre, është koha të vendoset në tryezë një vizitë në Zyrën Ovale për Presidenten Osmani,” tha profesori amerikan dhe njohësi i mirë i rreathave në Ballkan, Eduward Joseph, përmes rrjetit social “X”.

Ndryshe, pas bisedës, Presidentja e Kosovës, Vjosa Osmani, tha se ka biseduar me me Ndihmës Sekretarin O’Brien për zbatimin e Marrëveshjes së Brukselit në mes Kosovës dhe Serbisë, ku ka theksuar dhe rëndësinë themelore të punës së bashku me aleatët tanë të SHBA-së në mbrojtjen e lirisë, pavarësisë dhe demokracisë së Kosovës!