Ju që s’keni respekt për veten, mos keni turp. Protestoni…

Ju që nuk keni respekt për veten tuaj, nuk keni arsye të keni edhe turp, protestoni sot nën drejtimin e Ilir Metës dhe kërkoni kthimin e Kushtetutës së vitit 1998 e cila u miratua nga Meta dhe partia e tij kriminale PS. Protestoni, Ju nuk keni faj!

Ju që nuk keni respekt për veten tuaj, dhe lejuat që partia kriminale e punës të rimarr pushtetin vetëm pas 4 vjetësh, dhe t’iu shpallë dhunues të protestuesve,

Ju që nuk keni respekt për veten tuaj, dhe lejuat këtë parti kriminale të Ilir Metës që në vitin 1997 ti vë flakën gjithë Shqipërisë me serbë e me grekë,

Ju që nuk keni respekt për veten tuaj, dhe lejuat miratimin e Kushtetutës nga Meta dhe komunistët e tij,

Ju që nuk keni respekt për veten tuaj, dhe lejuat në vitin 2000 zgjedhjen e Edi Ramës kryetar të Bashkisë Tiranë, me të cilin Ilir Meta filloi dhe zhdukjen e identitetit shqiptar,

Ju që nuk keni respekt për veten tuaj, dhe lejuat që të vidhet thesari me Kryeministër Ilir Metën edhe pse thesarin nuk e vodhi as pushtuesi fashist,

Ju që nuk keni respekt për veten tuaj, dhe lejuat në vitin 2001 Ilir Metën së bashku me Edi Ramën duke gërthitur “O Doktoooooor”, t’iu keqtrajtojnë, përdhunojnë dhe vjedhin votën me ose pa Dushk, duke ju qetësuar me një President konsensual,

Ju që nuk keni respekt për veten tuaj, dhe lejuat Ilir Metën t’iu arrestoj si qenin liderin tuaj Sali Berisha, ndërsa juve t’iu rrah qoftë dhe nëse kishin hall atë natë për të dalë në qytet,

Ju që nuk keni respekt për veten tuaj, dhe lejuat në vitin 2009 të krijoni edhe qeveri me Ilir Metën duke e pranuar me heshtje si Zv/Kryeministër,

Ju që nuk keni respekt për veten tuaj, dhe lejuat këtë Zv/Kryeministër të hedhë në rrugë 30 % të administratës, të përzgjedhur me kujdes vetëm ata që vinin nga radhët e Partisë Demokratike,

Ju që nuk keni respekt për veten tuaj, dhe lejuat Ilir Metën në bashkëqeverisje të mos përgjigjet para drejtësisë për qindra mijëra euro ryshfet që u dëshmuan me zë dhe figurë duke u numëruar në tryezën e tij në vitin 2011,

Ju që nuk keni respekt për veten tuaj, dhe lejuat më 1 Prill 2013 të vij në pushtet me urdhër të Beogradit dhe Internacionales Socialiste, Ilir Meta që ju braktisi dhe Edi Rama që i vuri flakën Shqipërisë për shkak të eurove në tryezën e Likes,

Ju që nuk keni respekt për veten tuaj, dhe lejuat ndarjen territoriale në korrikun e vitit 2014 nga Ilir Meta dhe Edi Rama, ndarje e cila përveç se në toskë dhe gegë ose siç shprehet Rama në “ç” dhe “q”, një ndarje e poshtër elektorale e cila me votë është vështirë të fitohet. Të zhbëhet, jo se jo,

Ju që nuk keni respekt për veten tuaj, dhe lejuat që Edi Rama me Ilir Metën, falë kësaj ndarje territoriale, dhe lekëve që kishin vjedhur, blenë votat dhe fituat  zgjedhjet lokale të vitit vitit 2015, si dhe ato të pjesshme në Dibër të vitit 2016, ku Likja heshti për tu bërë ca muaj më pas, President,

Ju që nuk keni respekt për veten tuaj, dhe lejuat Ilir Metën që me votat kriminale të Edi Ramës të bëhet President dhe pranuat ashtu si me ndarjen territoriale të jeni të kënaqur me braktisjen e votimit,

Ju që nuk keni respekt për veten tuaj, dhe harruat sakrificën e çadrës për ti lënë Edi Ramës t’iu shkelë në zgjedhjet e vitit 2017 dhe tallet me Ju,

Ju që nuk keni respekt për veten tuaj, sot keni turp të protestoni për Ilir Metën por jo dhe për kauzën e tij, siç thotë, për rikthimin e Kushtetutës së vitit 1998.

Jo, mos keni turp, dilni dhe protestoni edhe kur protesta drejtohet nga një llum si Ilir Meta! Ju nuk keni faj, ashtu siç nuk kishit faj kur heshtët dhe vuajtët për 50 vjet ndërsa ju drejtonte një kriminel injorant si Enver Hoxha!

Ju jeni mësuar të merrni atë që ju dhurohet, dhe jo të merrni atë për të cilën filloni luftën. Sot Ilir Meta ju dhuron Kushtetutën në dorë ndërsa ai mori dhe vodhi atë që deshi dhe nga ka Ju kërkon të jeni të bashkuar për ta shporrë atë që nuk e do më Metën në pushtet, Edi Ramën.

Sot Ilir Meta nuk i kthen këtij vendi asnjë kacidhe ama shqiponjën e bënë mirë, aq mirë sa e përdhosi deri në keqardhje!

Por Ju duhet të jeni të qetë! Ju që nuk keni respekt për veten tuaj, nuk jeni edhe me faj. Punë të Perëndisë! Në këtë botë jo të gjithë kanë dinjitet, jo të gjithë nuk lejojnë të nënshtrohen, ndryshe nuk do të kishte diktatura dhe mundësi për të ekuilibruar numrin e atyre që ngelen gjallë Kështu lindi Enver Hoxha, i tillë ishte dhe Ilir Meta, e krijoi dhe Edi Ramën dhe sot po ky krijues i diktatorit, thotë ta heqim Edi Ramën me Kushtetutë!

Punë që s’bëhet, por Ju që nuk keni respekt për veten tuaj doni ta besoni njeriun që ju keqtrajtoi, vodhi dhe vrau, sepse thotë se do ta largoj Edi Ramën me Dekret!

Ju Rroftë Kushtetuta e vitit 1998 të cilën nuk e deshtët por sot jeni të gatshëm të luftoni me regjimin e Edi Ramës për të! Jo për Ilir Metën…